پٹرولیم مصنوعات کی قیمتوں میں اضافے کا امکان

بول نیوز  |  Sep 14, 2021

پٹرولیم مصنوعات کی قیمتوں ساڑھے دس روپے فی لٹر تک اضافے کا امکان ہے۔

تفصیلات کے مطابق پٹرولیم مصنوعات کی قیمتوں میں اضافے کی سمری وزارت خزانہ کو موصول ہوگئی ہے، نئی قیمتوں پر عملدرآمد 16 ستمبر سے ہوگا۔

پٹرولیم مصنوعات کی قیمتوں میں اضافے کی سمری موجودہ لیوی اور جی ایس ٹی کے مطابق تیار کی گئی ہے۔

ہائی سپیڈ ڈیزل کی قیمت میں ساڑھے دس روپے اور پٹرول کی قیمت میں ایک روپیہ فی لٹر اضافے کی تجویز دی گئی ہے جبکہ مٹی کے تیل کی قیمت میں ساڑھے پانچ روپے فی لٹر اضافے کی تجویز دی گئی ہے۔

لائٹ ڈیزل آئل کی قیمت میں بھی ساڑھے پانچ روپے فی لٹر اضافے کی تجویز دی گئی ہے۔

پٹرولیم لیوی اور جنرل سیلز ٹیکس میں ردو بدل سے قیمتوں میں ردو بدل ہو سکتا ہے جبکہ قیمتوں کے حوالے سے حتمی فیصلہ وزارت خزانہ وزیراعظم کی مشاورت سے کل کرے گی۔

واضح رہے اس سے قبل کورونا کے بڑھتے کیسز کے پیش نظر حکومت نے ویکسین نہ لگوانے والوں کو یکم ستمبر سے پٹرول دینے سے منع کردیا تھا۔

کمشنر لاہور ڈویژن نے صوبائی دارالحکومت کے تمام پٹرول پمپس پر فلیکسز آویزاں کروا دیں، پٹرول لینے کے لئے کورونہ ویکسئن لگوانا لازم ہے۔

ذرائع کا کہنا تھا کہ پٹرول پمپ پر کام کرنے والے ملازمین ایپ کے ذریعے کورونہ ویکسئن کی تصدیق کریں گے جبکہ پٹرول لینے والے موبائل پر کورونا ویکسئن کا سرٹیفیکیٹ دکھائیں گے تو پٹرول ملے گا۔

ذرائع کا مزید کہنا تھا کہ ویکسئن کی پہلی ڈوز لگوانے والوں کو پٹرول مل جائے گا۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More