وزیراعظم عمران خان سے روسی صدر پوتن کا ٹیلی فونک رابطہ، افغانستان کی صورتحال پر تبادلہ خیال

اردو نیوز  |  Sep 14, 2021

روس کے صدر ولادیمیر پوتن نے منگل کو پاکستان کے وزیراعظم سے ٹیلی فونک رابطہ کر کے افغانستان کی تازہ ترین صورت حال پر بات چیت کی ہے۔

وزیراعظم کے ترجمان کے مطابق دونوں رہنماؤں نے 25 اگست کو ہونے والی ٹیلی فونک گفتگو کو یاد کرتے ہوئے افغانستان کی صورتحال کے علاوہ شنگھائی تعاون تنظیم (ایس سی او) میں دوطرفہ تعاون سے متعلق گفتگو کی۔

وزیراعظم عمران خان نے گفتگو کے دوران علاقائی سکیورٹی اور خوشحالی کے لیے افغانستان میں امن اور استحکام کی اہمیت کا ذکر کیا، انہوں نے افغانستان میں انسانی بحران سے نمٹنے کی فوری ضرورت کی جانب توجہ دلائی۔

وزیراعظم کے ترجمان کی پریس ریلیز کے مطابق وزیراعظم نے افغانستان کی تیزی سے بدلتی صورتحال سے متعلق پاکستان اور روس کے درمیان مشاورت اور باہمی تعاون کی ضرورت پر زور دیا۔

وزیراعظم نے پاکستان اور روس کے درمیان تجارت ، سرمایہ کاری اور توانائی کے شعبے میں تعاون کو بہتر بنانے کی اہمیت پر بھی بات کی۔

پریس ریلیز کے مطابق دونوں رہنماؤں نے ایک دوسرے کو اپنے اپنے ملک کا دورہ کرنے کی دعوت بھی دی اور آپس میں قریبی روابط رکھنے پر اتفاق کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More