وزیراعظم کا برطانوی وزیراعظم کی والدہ کے انتقال پر اظہار افسوس

بول نیوز  |  Sep 15, 2021

وزیراعظم عمران خان نے برطانوی وزیراعظم بورس جانسن کی والدہ کے انتقال پر افسوس کا اظہار کیا ہے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ والدہ کے انتقالِ پرُملال پر میں برطانوی وزیراعظم بورس جانسن سے تعزیت کا اظہار کرتا ہوں۔

My condolences to Prime Minister @BorisJohnson on the sad demise of his mother. In this difficult moment my thoughts and prayers are with him and his family.

— Imran Khan (@ImranKhanPTI) September 14, 2021

اپنے پیغام میں وزیراعظم عمران خان نے بورس جانسن کی فیملی سے بھی  تعزیت کی اور کہا کہ ان کٹھن گھڑیوں میں میری دعائیں اور ہمدردیاں برطانوی وزیراعظم بورس جانسن اور ان کے اہلِ خانہ کے ساتھ ہیں۔

یاد رہے وزیر اعظم بورس جانسن کی والدہ  شارلٹ جانسن واہل  79 سال کی عمر میں  لندن کے ایک اسپتال میں انتقال کر گئیں۔

شارلٹ ایک پیشہ ور مصورہ تھیں جو بنیادی طور پر پورٹریٹ پینٹ کرتی تھیں ۔  وہ 1942 میں آکسفورڈ میں سر جیمز فوسیٹ کے ہاں پیدا ہوئیں ، جو یورپی کمیشن برائے انسانی حقوق کی صدر تھیں۔

شارلٹ نے 1963 میں بورس کے والد اسٹینلے سے شادی کی اور ان کے ساتھ چار بچے پیدا ہوئے،بعد ازاں 1979 میں ان کی طلاق ہوگئی اور انہوں نے امریکی پروفیسر نکولس واہل سے دوبارہ شادی کی۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More