آرمی چیف کا ائیر ہیڈ کوارٹرز اسلام آباد کا دورہ

بول نیوز  |  Sep 15, 2021

آرمی چیف جنرل قمر جاوید باجوہ نے ائیر ہیڈ کوارٹرز اسلام آباد کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ائیر ہیڈ کوارٹرز اسلام آباد کا دورہ کیا جہاں آرمی چیف کو پاک فضائیہ کے آپریشنل معاملات پر تفصیلی بریفنگ دی گئی۔

 آئی ایس پی آر کے مطابق دورے کے دوران باہمی پیشہ ورانہ دلچسپی کے امور پر تبادلہ خیال کیا گیا جبکہ ایئر چیف نے پی اے ایف کی جانب سے جاری مختلف منصوبوں پر روشنی ڈالی۔

آئی ایس پی آر کا کہنا ہے کہ آرمی چیف جنرل قمر جاوید باجوہ نے پی اے ایف کی ملک کے لیے قربانیوں اور قانون نافذ کرنے والی ایجنسیوں کی ہر ممکن حمایت کو سراہا جبکہ آرمی چیف نے پی اے ایف کے انسانی امداد کی فراہمی اور افغانستان سے حالیہ انخلاء کی کارروائیوں کو آسان بنانے میں کردار کو بھی سراہا۔

آئی ایس پی آر کا مزید کہنا ہے کہ ائیر ہیڈ کوارٹرز اسلام آباد دورے کے دوران آرمی چیف نے پی اے ایف کی آپریشنل تیاریوں کی تعریف کی اور ہر سطح پر ان کے جزبے کو بھی سراہا۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More