’کنٹونمنٹ الیکشن میں مداخلت کا کوئی نام و نشان نہیں تھا‘

اردو نیوز  |  Sep 19, 2021

مسلم لیگ نون کے صدر شہباز شریف نے کہا ہے کہ کنٹونمنٹ بورڈز کے انتخابات میں کوئی مداخلت نہیں کی گئی اور اس میں پی ٹی آئی کی ’سیاسی موت‘ واقع ہوئی ہے۔

سنیچر کو سیالکوٹ میں مسلم لیگ نون کے ورکرز سے خطاب کرتے ہوئے انہوں نے کہا کہ ’کنٹونمنٹ بورڈ کا الیکشن کوئی معمولی معرکہ نہیں کیونکہ یہ وہ علاقہ ہے کہ جہاں پی ٹی آئی نے جنم لیا تھا اور آج اسی جنم بھومی میں پی ٹی آئی کی سیاسی موت واقع ہوئی ہے۔‘

ان کہنا تھا کہ ’یقیناً اس میں کوئی دو رائے نہیں کہ اس الیکشن میں دور دور تک مداخلت کا کوئی نام و نشان نہیں تھا۔ کہیں مداخلت کا نشان نہیں تھا۔ اور وہاں رہنے والوں نے خود اپنے ضمیر کے مطابق ووٹ کاسٹ کیے۔ پنجاب میں اکثریت نے مسلم لیگ نون کو ووٹ دیا۔‘

شہباز شریف نے کہا کہ ’لوگوں نے اس لیے ووٹ دیا کیونکہ وہ گذشتہ تین برسوں میں تنگ آ گئے ہیں۔ مہنگائی نے ان کی کمر توڑ دی ہے۔ لوگ کیوں نہ نواز شریف کی حکومت کو یاد کریں۔‘

انہوں نے کہا کہ ’اگلے الیکشن میں مسلم لیگ نون پورے ملک میں میدان مارے گی۔ ہمارا مطالبہ ہے کہ الیکشن صاف شفاف کرنے ہوں گے۔ اس مرتبہ کوئی دھاندلی کو برداشت نہیں کرے گا۔ کوئی سلیکٹڈ کو برداشت نہیں کرے گا۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More