بلاشبہ فریج اب ہر گھر کی ضرورت ہے مگر کیا کبھی آپ نے سوچا کہ فریج کے نیچے والے حصے یعنی ریفریجریٹر میں تو لائٹ نصب ہوتی ہے مگر اور والے حصے یعنی فریزر میں نہیں ہوتی آخر ایسا کیوں ہے؟
جی ہاں واقعی فریزر کے اوپر والے حصے میں لائٹ نہیں لگی ہوتی اور اندھیرے میں کچھ نکالنے کے لیے اسمارٹ فونیا دوسری ٹارچ کی ضرورت پڑتی ہے۔
تو اس کی وجہ کیا ہے ؟ حقیقت تو یہ ہے کہ فریج بنانے والی کمپنیوں کی جانب سے اس حوالے سے کوئی واضح وجہ نہیں بتائی گئی۔
مگر ایک ماہر معیشت رابرٹ فرینک کے مطابق یہ لاگت بچانے کے ایک ایسے اصول کی اہم مثال ہے جس میں بنیادی طور پر فائدہ بچت سے زیادہ نہیں ہوتا مگر جو چیز رائج ہوجاتی ہے اس پر عمل جاری رہتا ہے۔
رابرٹ کا اس حوالے سے یہ کہنا ہے کہ چونکہ صارفین ریفریجریٹر میں لائٹ کو اکثر استعمال کرتے ہیں تو وہ اس فیچر کو قابل قدر تصور کرتے ہیں اور اسی وجہ سے فریج بنانے والی کمپنیاں ریفریجریٹر میں لائٹس کی تنصیب کو فریزر کے مقابلے میں زیادہ بہتر سمجھتے ہیں۔
تو صارفین فریزر میں لائٹ کو زیادہ اہم کیوں نہیں سمجھتے، تو اس کی سب سے مقبول وضاحت یہ ہے کہ ہم میں سے اکثر فریزر کے دروازے کو ریفریجریٹر کے مقابلے میں بہت کم کھولتے ہیں۔
اور جب بھی فریزر کا دروازہ کھولا جاتا ہے تو زیادہ تر اس کے سامنے چند منٹ سے زیادہ نہیں کھڑے ہوتے۔
ایک اور تھیوری یہ بھی ہے فریزر میں لائٹ لگانا فائدہ مند نہیں کیونکہ اس پر برف جمنے کا امکان زیادہ ہوتا ہے۔