اب مصنوعی ذہانت کے استعمال سے ٹریفک بھی کنٹرول کیا جائیگا

بول نیوز  |  Oct 12, 2021

ہر سال 13 لاکھ کے قریب افراد  ٹریفک حادثات کے نتیجے میں جان سے ہاتھ دھو بیٹھتے ہیں جبکہ دو کروڑ سے پانچ کروڑ افراد زخمی ہوتے ہیں جن میں سے بہت سے زخمی افراد کو معذوری کا سامنا کرنا پڑتا ہے۔

اس حوالے سے  اقوام متحدہ نے عالمی سرمایہ کاروں اور دیگر ممالک کو ٹریفک کنٹرول کرنے کے لئے مصنوعی ذہانت کے استعمال کا مشورہ دیا ہے۔

اقوام متحدہ کا کہنا ہے کہ مصنوعی ذہانت مختلف طریقوں سے سڑک کے بنیادی ڈھانچے کو بہتر کرنے اور ریگولیٹری فریم ورک میں جدت لاکر مدد کرسکتی ہے۔

ترقی پذیر ممالک میں سڑکوں پر ہونے والی اموات کی غیر متناسب تعداد کے تناظر میں یہ انتہائی اہمیت کا حامل ہے کہ نئی ٹیکنالوجیز کے فوائد ہر کسی کواور ہرجگہ پہنچنے چاہئیں۔

ٹیکنالوجی سے متعلق اقوام متحدہ کے ایلچی ماریہ، فرانسیسکا سپاٹولیسانو کے مطابق یہ اقدام حقیقی دنیا میں ٹیکنالوجی کے مسائل پر توجہ مرکوز کرنے کی ایک قابل ذکر عملی کوشش ہے جو لوگوں کی زندگیوں کو ایک لحاظ سے متاثر کرتا ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More