ورلڈ کپ میں رضوان اور میں اننگز اوپن کریں گے: بابر اعظم

اردو نیوز  |  Oct 14, 2021

ٹی 20 ورلڈ کپ کے لیے ٹیم کی متحدہ عرب امارات روانگی سے قبل پاکستانی کپتان بابر اعظم کا کہنا ہے کہ وہ اور محمد رضوان اننگز شروع کریں گے تاہم صورتحال دیکھ کر فیصلہ بدل سکتے ہیں۔/

بدھ کے روز ورچوئل پریس کانفرنس میں بابر اعظم کا کہنا تھا کہ ان سے اور محمد رضوان سے بہت زیادہ توقعات وابستہ کی جا رہی ہیں، دونوں کا منصوبہ بھی پرفارم کرنے کا ہے۔ ابتدائی منصوبے کے تحت ہم دونوں اوپنرز ہیں لیکن متحدہ عرب امارات میں ہی فیصلہ کریں گے۔

پاکستانی ٹیم ٹی 20 ورلڈ کپ میں اپنا پہلا میچ روایتی حریف انڈیا کے خلاف 24 اکتوبر کو کھیلے گی۔ اس سے قبل گرین شرٹس نے 18 اور 20 اکتوبر کو پریکٹس میچ کھیلنے ہیں۔

پاکستان کے پہلے میچ سے متعلق گفتگو کرتے ہوئے انہوں نے کہا کہ ’پہلا میچ بڑا مقابلہ ہے، فاتحانہ آغاز کی کوشش کریں گے۔ انڈیا کے خلاف میچ ہمیشہ پریشر گیم ہوتی ہے ہم اسے ہینڈل کرنے کا پلان بنا رہے ہیں۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More