سعودیہ عرب اتوار سے کورونا کی پابندیوں میں مزید نرمی کرے گا

بول نیوز  |  Oct 15, 2021

سعودی وزارت داخلہ نے اعلان کیا ہے کہ سعودی عرب اتوار 17 اکتوبر سے کوویڈ 19 کی پابندیوں میں مزید نرمی کرے گا۔

تفصیلات کے مطابق کورونا کی پابندیوں میں مزید نرمی سے اجتماعات کی مکمل اجازت ہوگی اور ایسے لوگوں پر کچھ مقامات پر ماسک پہننے کی پابندی بھی نہیں ہوگی جنہوں نے ویکسین کی دونوں خوراکیں حاصل کی ہیں، لیکن کارکنوں اور زائرین کو ہر وقت چہرے پر ماسک پہننا جاری رکھنا ہوگا اس کے ساتھ اعتمرنا ایپ کے ذریعے عمرہ اور نماز کی بکنگ معمول کے مطابق جاری رہے گی تاکہ زائرین کی تعداد کو کنٹرول کیا سکے۔

مسجد نبوی شریف کو بھی پوری صلاحیت کے ساتھ کام کرنے کی اجازت دے دی گئی جبکہ ریاض الجنہ میں نوافل ادا کرنے کے لیے اعتمرنا ایپ کا استعمال معمول کے مطابق جاری رہے گا۔

دوسرے قوانین جن کو ختم کیا جارہا ہے ان میں کھلی جگہوں پر ماسک اب مکمل طور پر ویکسین لگانے والے افراد کے لیے لازمی نہیں ہوگا جبکہ عوامی مقامات یا ایسی جگہیں جن کو توکلکنا ٹریسنگ ایپ کے ذریعے نگرانی نہیں کی جاتی ماسک پہنا ضروری ہوگا۔

سماجی دوری کی پابندی کو بھی ختم کیا جا رہا ہے اور عوامی مقامات ، نقل و حمل ریستوراں ، سینما گھروں اور دیگر اجتماعات جن کی نگرانی توکلکلنا کے ذریعہ کی جا رہی تھی کو بھی مکمل طور پر کام کرنے کی اجازت ہوگی۔

شادی ہالوں میں تقریبات کی اجازت ہوگی اور مقررہ حد کی پابندی نہیں ہوگی، جبکہ تقریب میں شامل افراد کو باقی احتیاطی تدابیر پر عمل کرنا ہوگا جن میں حجوم والی جگہوں پر ماسک پہنا بھی شامل ہے۔

مقامی انفیکشن کی شرح کے لحاظ سے مملکت کے مختلف علاقوں میں مختلف قوانین بھی نافذ کیے جا سکتے ہیں۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More