مہنگائی کیخلاف پی ڈی ایم کا مظاہروں کا اعلان

سماء نیوز  |  Oct 17, 2021

فائل فوٹو

ملک میں بڑھتی مہنگائی کے پیش نظر پاکستان ڈیموکریٹک موومنٹ (پی ڈی ایم) نے ملک بھر میں مظاہروں کا اعلان کردیا۔

پاکستان ڈیموکریٹک موومنٹ کے سربراہ مولانا فضل الرحمان نے کہا کہ اپوزیشن جماعتوں کا مشترکہ اتحاد میں مہنگائی اور ناقص حکومتی پالیسیوں پر مسلسل 2 ہفتوں کا احتجاج کرے گی۔

انہوں نے کہا کہ ملک بھر میں ہر ضلع ہیڈکوارٹرز پر مظاہرے کیے جائیں گے، ایسےحکمران جو قوم پرعذاب ہیں، انہیں مزید موقع نہیں دینا چاہتے۔

پی ڈی ایم سربراہ نے عوام سے اپیل کی کہ وہ مہنگائی کے خلاف گھروں سے نکلیں اور ہمارا ساتھ دیں۔

اس سے قبل اپوزیشن لیڈر شہباز شریف نے اپنے بیان میں کہا تھا کہ حکومت نے آئی ایم ایف کے قرضوں کے باعث عوام مہنگائی کے سیلاب میں مبتلا کردیا ہے۔ عوام دو وقت کی روٹی کےلیے مارے مارے پھر رہے ہیں۔

واضح رہے کہ گزشتہ دونوں پی ٹی آئی حکومت نے پیٹرولیم مصنوعات کی قیمتوں میں تاریخی اضافہ کرتے ہوئے پیٹرول 10.49 روپے جبکہ ہائی اسپیڈ ڈیزل 12.44 روپے فی لیٹر مہنگا کر دیا تھا جس کے باعث ملک میں مہنگائی کے نئے بحران نے جنم لیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More