ہزاروں پرندوں کی یلغار۔۔۔ گھر، گلیاں اور پارک سب پرندوں سے بھر گئے، دیکھیے ویڈیو

موسمی تبدیلیوں کے باعث پرندوں کا شہری علاقوں کی طرف ہجرت کرنا عام ہوتا جارہا ہے۔ تاہم سوشل میڈیا پر ایک پرانی ویڈیو پھر سے وائرل ہورہی ہے جس میں کوکاٹو پرندوں کے جُھنڈ نے شہری علاقے میں قبضہ کر لیا تھا۔

ویڈیو میں دیکھا جاسکتا ہے کہ کوکاٹو پرندے کے جُھنڈ نے آسٹریلیا کے علاقے نورا پر اچانک قبضہ کرلیا تھا۔ جس کے بعد کوکاٹو اس علاقے میں رہنے والوں کیلئے مصیبت بن گئے۔ ویڈیو میں دکھائی دے رہا ہے کہ ہزاروں کی تعداد میں پرندوں نے گھر، سڑکیں اور پارک میں یلغار کردی ہے۔

ایک رہائشی نے میڈیا سے گفتگو کرتے ہوئے کہا کہ تمام گھروں پر کوکاٹو کا قبضہ ہے۔ کہا جاتا ہے آسٹریلیا کے شہر نورا میں اس طرح کوکاٹو کا حملہ کبھی نہیں ہوا۔

جبکہ ماہرین کا کہنا ہے کہ کوکاٹو پرندے کے ہجرت کرنے کا طریقہ ہر 50 سال بعد تبدیل ہوتا ہے۔ تاہم چند سالوں سے بڑی تعداد میں پرندوں کا اس طرح شہری علاقوں میں آنا ایک پریشان کن عمل ہے۔ شہری علاقوں میں ان پرندوں کے آنے کے باعث معمولات زندگی بھی متاثر ہو جاتی ہے۔

واضح رہے کہ پرندوں کی اتنی بڑی تعداد میں اس شہر کی طرف آنے کی ایک وجہ شہر کا بڑا علاقہ تالاب اور سبز میدانوں پر مشتمل ہونا بھی ہے۔