فرانس سے برطانیہ جانے والی تارکین وطن کی کشتی حادثے کا شکار، 31 افراد جاں بحق

بول نیوز  |  Nov 25, 2021

پیرس: فرانس سے برطانیہ جانے والی تارکین وطن کی کشتی ڈوب گئی جس میں 31 افراد جاں بحق ہوگئے ہیں جبکہ 2 افراد کو بچالیا گیا ہے۔

فرانسیسی بندرگاہ کے قریب تارکین وطن کی کشتی ڈوبنے سے 31 افراد جاں بحق ہوگئے ہیں جبکہ کشتی میں 34 افراد سوار تھے جس میں 2 افراد کی جان بچالی گئی ہے۔

رپورٹس کے مطابق کشتی الٹنے کے بعد فرانس اور برطانوی نے تین ہیلی کاپٹروں اور تین کشتیوں کی مدد سے مشترکہ تلاشی شروع کی۔

فرانسیسی وزیرداخلہ مسٹر درمانین کے مطابق آج فرانس، یورپ اور انسانیت کے لیے خوفناک صورت حال ہے، اسمگلروں کی وجہ سے یہ لوگ سمندر کی نذر ہوئے ہیں جبکہ جہاز میں 34 افراد سوار تھے جن میں 31 تارکین وطن ڈوب گئے ہیں۔

فرانسیسی وزیر اعظم ژاں کسٹکس کا کہنا ہے کہ جرائم پیشہ اسمگلر انسانی جانوں سے کھیل رہے ہیں، فرانس سے برطانیہ جانے والے سمندری راہ گزر دی چینل کو پناہ گزینوں کا قبرستان نہیں بننے دیا جائے گا۔

واضح رہے کہ 2014 کے بعد تارکین وطن کے ڈوبنے کا یہ سب سے بڑا واقعہ ہے جسے اقوام متحدہ کے تحت نقل مکانی کی تنظٰم آئی او ایم نے انسانی جانوں کے زیاں کا سب سے بڑا واقعہ قرار دیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More