ملک جس مقصد کے لیے بنا تھا وہ ابھی تک پورا نہیں ہوا ، مولانا فضل الرحمان

بول نیوز  |  Nov 25, 2021

مولانا فضل الرحمان کا کہنا ہےکہ 70 سال بیت گئے لیکن ملک جس مقصد کے لیے بنا تھا وہ مقصد ابھی تک پورا نہیں ہوا ہے۔

پی ڈی ایم سربراہ مولانا فضل الرحمان نے کندھ کوٹ میں تقریب سے خطاب کرتے ہوئے کہاکہ سندھ دھرتی کے لوگوں کو اللہ تعالیٰ نے شعور عطا کیا ہے، انسانی حقوق کو محفوظ بنانا ہمارا فرض ہے۔

انہوں نے کہاکہ ملک لاالہ اللہ کے نام سے بنا لیکن 70 سالوں سے لاالہ اللہ کا مذاق اڑایا گیا ہے ، جو کلمہ ہمیں تحفظ اور آزادی فراہم کرتا ہے اس کلمے کو پڑھ کر ہم عالمی قوتوں کے غلام بن گئے ہیں۔

سربراہ پی ڈی ایم نے کہاکہ  ملک میں باتیں انسانی حقوق کی کرتے ہیں لیکن انسانی حقوق کا تحفظ نہیں کیا جا رہا ہے،  ہم نے حکومت میں اور باہر رہ کر بھی عوامی حقوق کی بات کی ہے۔

مولانا فضل الرحمان نے دوران خطاب کہاکہ ملکی معیشت کمزور ہے، جے یو آئی ف نے اصولوں پر کبھی بھی سمجھوتہ نہیں کیا، جمہوریت کی بحالی کیلئے جدوجہد کر رہے ہیں۔

ان کا کہنا تھا کہ ہم سب کو چاہیے کہ اس وطن کی حفاظت کریں۔

واضح رہے کہ مولانا فضل الرحمان  تین روز کے دوران کشمور، رحیم یار خان اور دیگر علاقوں کا دورہ بھی کریں گے۔

مولانا راشد محمود سومرو، مولانا عبدالغفور حیدری اور دیگر معززین بھی پی ڈی ایم کے ہمراہ تھے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More