مشیر خزانہ کی سٹی بینک پاکستان کے صدر کی قیادت میں وفد سے ملاقات

بول نیوز  |  Nov 25, 2021

مشیر خزانہ شوکت ترین نے سٹی بینک پاکستان کے صدر و کنٹری آفیسراحمد بوزئی کی قیادت میں وفد سے ملاقات کی ہے۔

ملاقات میں احمد بوزئی نے سٹی بینک کے مجموعی مالیاتی پہلو کے بارے میں مشیر خزانہ کو بریفنگ دی۔

ملاقات میں سرمایہ کاری محفوظ بنانے، بجٹ اور قرض انتظام کے لئے مختلف تجاویز پر بھی غور کیا گیا۔

مشیر خزانہ نے پاکستان کی کاروباری اور معاشی سرگرمیوں کو مضبوط بنانے میں سٹی بینک کے کردار کو سراہا اورعوام کی سماجی و معاشی بہتری کے لئے حکومت کی مختلف اصلاحات پر روشنی ڈالی۔

ملاقات میں پاکستان کی اقتصادی اور مالیاتی سرگرمیوں کو بڑھانے کے لیے سٹی بینک کی تجاویز اور پروگراموں پر بھی غور کیا۔

جبکہ مشیر خزانہ نے تیل، گیس، پام آئل اور دیگر اشیاء کے شعبوں میں کاروباری تعاون بڑھانے کے امکانات پر زور دیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More