جنوبی افریقہ میں کووڈ 19 کے نئے ویریئنٹ کا انکشاف، حکام میں تشویش

بول نیوز  |  Nov 25, 2021

جنوبی افریقہ میں سائنسدانوں نے کورونا وائرس کے نئے ویریئنٹ کی تشخیص کی ہے جس نے اپنی ساخت کو کئی بار بدلا ہے۔

خبر رساں ادارے اے ایف پی کے مطابق جنوبی افریقہ میں سائنسدانوں نے یہ اعلان کورونا کی چوتھی لہر میں مریضوں کی تعداد میں نئے اضافے کے دوران کیا ہے۔

وائرولوجسٹ ٹولیو دی اولیویرا نے ہنگامی پریس کانفرنس میں بتایا کہ بدقسمتی سے ہم نے مریضوں میں ایک نئے ویریئنٹ کی تشخیص کی ہے جو جنوبی افریقہ میں تشویش کا باعث ہے۔ تشخیص شدہ ویریئنٹ نے کئی بار اپنی ساخت کو بدلا ہے۔

وائرولوجسٹ ٹولیو دی اولیویرا کا کہنا تھا کہ اس ویریئنٹ کی تشخیص بوٹسوانا اور ہانک کانگ میں بھی ایسے افراد میں ہوئی جنہوں نے جنوبی افریقہ سے سفر کیا۔

جنوبی افریقہ کے وزیر صحت جو فاہلا نے کہا ہے کہ نیا ویریئنٹ انتہائی تشویش کا باعث ہے اور حالیہ دنوں میں کورونا کیسز میں اضافے کی وجہ بھی یہی ہے۔

جنوبی افریقہ نے عالمی ادارہ صحت کے ورکنگ گروپ سے نئے ویریئنٹ پر جلد از جلد میٹنگ بلانے کی درخواست کی ہے۔

گزشتہ برس کورونا وائرس کے بیٹا ویریئنٹ کی تشخیص بھی جنوبی افریقہ میں ہی ہوئی تھی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More