افغانستان: طالبان کا ملک میں بھنگ پروسیسنگ مرکز قائم کرنے کا فیصلہ

سماء نیوز  |  Nov 25, 2021

افغانستان میں طالبان کے عبوری حکومت نے آسٹریلوی کمپنی سی فارم کے ساتھ ملک میں بھنگ پروسیسنگ مرکز کے ویام کے معاہدہ پر دستخط کردیے۔

افغان وزارت داخلہ کے ترجمان قاری سعید خوستی کا کہنا ہے کہ  معاہدے کے تحت منصوبے پر آئندہ چند روز میں عمل درآمد شروع ہوجائے گا۔معاہدہ کے تحت بھنگ سے طبی کریم تیار کرنے والی آسٹریلوی کمپنی کوملک میں ہزاروں ایکڑ پر کاشت بھنگ کی فصلوں تک رسائی دی جائے گی۔

افغان میڈیا کے مطابق افغانستان کے نائب وزیرمنشیات نے منگل کے روز کمپنی کے نمائندے سے ملاقات کی تھی۔اس کمپنی نے منصوبے کے لیے 45 کروڑ ڈالر کی سرمایہ کاری کا وعدہ کیا ہے۔

اگست میں افغانستان پر قبضہ کرنے کے بعد طالبان نے ملک میں بھنگ کی پیداوار کے خلاف کارروائی کا عزم ظاہر کیا تھا۔

صوبہ قندھارمیں طالبان کے گورنر یوسف وفا نے اکتوبر میں کہا تھا کہ منشیات استعمال کرنے والوں کو گرفتارکیا جارہا ہے اور کسانوں کو بھنگ یا پوست کی کاشت کرنے کی اجازت نہیں دی جائےگی۔ تاہم افغان کسانوں کا کہنا تھا کہ انہوں نے طالبان کے رویے میں اس ضمن میں کوئی تبدیلی ملاحظہ نہیں کی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More