ٹی ٹوئنٹی ورلڈکپ میں بابر اعظم نے اچھےنتائج دیے،مصباح الحق

بول نیوز  |  Nov 25, 2021

پاکستان کرکٹ ٹیم کے سابق ہیڈ کوچ مصباح الحق نے کہا ہے کہ ٹی ٹوئنٹی ورلڈ کپ میں ٹیم شاندار کھیلی، بابر اعظم نے اچھے نتائج دیے ہیں، اُسے کپتان بنانے کا لانگ ٹرم فیصلہ تھا۔

تفصیلات کے مطابق قومی کرکٹ ٹیم کے سابق ہیڈکوچ مصباح الحق نے اپنے ایک بیان میں کہا کہ ان کے دور میں بھی ٹیم کی کارکردگی اچھی رہی ہے۔

ان کا کہنا تھا کہ اگر کوئی یہ سمجھتا ہے کہ اُن کے جانے کے بعد ٹیم اچھا کھیل رہی ہے تو بھی مان لیتے ہیں، یہ اُن کے لیے خوشی کی بات ہے۔

مصباح الحق کا کہنا تھا کہ وہ کوچنگ کے لیے اپلائی نہیں کریں گے،ثقلین مشتاق اور ان کے ساتھیوں نے اب تک اچھا کام کیا ہے۔

اُن کا کہنا تھاکہ ڈومیسٹک کرکٹ میں رزلٹ نہیں آرہے، سینٹرل پنجاب میں کلب اور اسکول کرکٹ پر اچھا کام ہورہا ہے۔

مصباح الحق نے یہ بھی کہا کہ گراس روٹ لیول پر کام ہونا اچھی بات ہے، ٹی ٹوئنٹی ورلڈ کپ میں پاکستان ٹیم نے بہت اچھا کھیلا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More