نیپال نے 5 جی کے آزمائشی تجربات کے لیے پہلا لائسنس جاری کردیا

بول نیوز  |  Nov 25, 2021

نیپال نے 5 جی کے دور میں داخلے کی جانب ایک قدم بڑھاتے ہوئے ملک کے معروف ٹیلی کام آپریٹر کو 5 جی نیٹ ورک کے ٹرائلز کا لائسنس دیا ہے۔

نیپال ٹیلی کمیونیکیشن اتھارٹی (این ٹی اے) کے ترجمان سنتوش پاڈیل نے جمعرات کو چینی خبر رساں ایجنسی شِنہوا کو بتایا کہ ریگولیٹر نے نیپال ٹیلی کام کو اس ہفتے کے اوائل میں 5 جی کے ٹرائلز کی اجازت دی ہے۔

انہوں نے بتایا کہ کمپنی کو ایک سال کے اندر 60 میگا ہرٹز فریکوئنسی بینڈوڈتھ کے ساتھ 2600 میگا ہرٹز بینڈ پر ٹرائلز کا لائسنس دیا گیا ہے اور یہ پہلی بار ہے کہ کسی ٹیلی کام آپریٹر کو نیپال میں 5 جی ٹرائلز کی اجازت دی گئی۔

این ٹی اے ترجمان نے بتایا کہ نجی ٹیلی کام کمپنی این سیل نے بھی 5 جی ٹرائلز شروع کرنے کی اجازت طلب کی ہے۔

نیپال ٹیلی کام کے ترجمان کا کہنا تھا کہ ٹرائلز کے لیے فروخت کنندگان کمپنیوں سے 5 جی نیٹ ورک کا سامان لانے کی اجازت دی گئی ہے تاہم ابھی تک یہ فیصلہ نہیں کیا گیا کہ ٹرائلز کب شروع کیے جائیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More