نسلہ، تیجوری انہدام کیس، کمشنر کراچی کی نئی رپورٹس عدالت میں جمع

بول نیوز  |  Nov 26, 2021

نسلہ ٹاور اور تیجوری ہائٹس گرانے سے متعلق کیس میں کمشنر کراچی نے عدالت میں نئی پیش رفت رپورٹس جمع کرا دیں۔

تفصیلات کے مطابق کمشنر کراچی کی نئی رپوٹس میں سپریم کورٹ کو بتایا گیا ہے کہ نسلہ ٹاور، تیجوری ہائٹس گرانے پر تیزی سے کام جاری ہے۔

کمشنر کراچی کا کہنا ہے کہ عدالتی حکم کے مطابق نسلہ ٹاوراور تیجوری ہائٹس مکمل گرانے تک کام جاری رہے گا۔

گذشتہ روز سپریم کورٹ نے نسلہ ٹاورمسمارکرنے سے متعلق کیس میں سپریم کورٹ نے کمشنر کراچی کی رپورٹ مسترد کرتے ہوئے تحریری حکم نامہ جاری کیا تھا۔

سپریم کورٹ نے حکم نامے میں نسلہ ٹاور کو فوری مسمار کرکے ملبہ صاف کرنے کا حکم دی دیا تھا۔

عدالت نے حکم دیا تھا کہ فوری عمل درآمد نہ ہوا تو کمشنر کے خلاف کارروائی ہوگی۔

چیف جسٹس آف پاکستان جسٹس گلزار احمد کی سربراہی میں تین رکنی بنچ آج بھی کراچی رجسٹری میں اہم کیسز کی سماعت کرے گا۔

کراچی کو تجاوزات سے پاک کرنے، غیر قانونی تعمیرات سے متعلق کیسز کے علاوہ ملٹری لینڈ پر تجارتی سرگرمیوں سے متعلق کیس کی سماعت ہوگی۔

سول ایوی ایشن اتھارٹی کی زمین پر قبضے متعلق کیس کی بھی سماعت ہوگی۔

سپریم کورٹ نے سول ایوی ایشن کی زمین سے فوری قبضہ ختم کرانے اورسول ایوی ایشن اتھارٹی کو ایک ہفتے میں کلب بند کرکے رپورٹ پیش کر نے کا حکم بھی دیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More