کھیلوں کے سامان کی برآمدات میں 20.73 فیصد اضافہ

بول نیوز  |  Nov 27, 2021

ملک سے کھیلوں کے سامان کی برآمدات میں جاری مالی سال کے پہلے چار ماہ میں گزشتہ مالی سال کی اسی مدت کے مقابلہ میں 20.73 فیصدکااضافہ ریکارڈکیا گیا ہے۔

پاکستان بیوروبرائے شماریات کے اعدادوشمارکے مطابق جولائی سے لیکراکتوبر2021 تک کی مدت میں کھیلوں کے سامان کی برآمدات سے ملک کو105.120 ملین ڈالرکا فائدہ حاصل ہواجو گزشتہ مالی سال کی اسی مدت کے مقابلہ میں 20.73 فیصدزیادہ ہے، گزشتہ مالی سال کی اسی مدت میں کھیلوں کے سامان کی برآمدات سے ملک کو87.07 ملین ڈالرکا فائدہ حاصل ہواتھا۔

اس مدت میں فٹ بالزکی برآمدات میں اضافہ کی شرح 17.22 فیصدرہی، جاری مالی سال کے پہلے چارماہ میں فٹ بال کی برآمدات سے ملک کو50.14 ملین ڈالرکا فائدہ حاصل ہوا جوگزشتہ مالی سال کی اسی مدت میں 42.78 ملین ڈالرتھا۔

دستانوں کی برآمدات میں اس مدت کے دوران 6 فیصدکی شرح سے اضافہ ہوا، جاری مالی سال میں دستانوں کی برآمدات سے ملک کو 24.55 ملین ڈالرکازرمبادلہ حاصل ہواجو گزشتہ مالی سال کی اسی مدت میں 23.16 ملین ڈالرتھا۔

اکتوبرکے مہینہ میں کھیلوں کے سامان کی برآمدات میں اضافہ کی شرح 33.55 فیصد ریکارڈکی گئی ۔

اکتوبرمیں کھیلوں کے سامان کی برآمدات سے ملک کو27.22 ملین ڈالرکا فائدہ ہوا۔

گزشتہ سال اکتوبرمیں کھیلوں کے سامان کی برآمد سے ملک کو 20.38 ملین ڈالرکا فائدہ حاصل ہواتھا۔

واضح رہے کہ جاری مالی سال کے پہلے چارماہ میں ملکی برآمدات میں مجموعی طورپر24.94 فیصدکی شرح سے اضارہ ریکارڈ کیا گیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More