ہر اداکار سے متعلق ہم یہی سوچتے ہیں کہ وہ کتنی پرتعیش اور اچھی زندگی بسر کر رہے ہیں، نہ ان کے ساتھ کوئی مسئلہ ہے نہ انہیں کسی بھی قسم کی پریشانی لاحق ہوتی ہے۔ لیکن یہ حقیقت نہیں ہے۔
اداکار جو آج ہمیں ٹی وی اسکرین پر دکھائی دیتے ہیں وہ بھی کئی مشکلات کا سامنا کر کے یہاں تک پہنچے ہیں۔ وہ بھی عام انسان کی طرح موذی مرض کا شکار ہوجاتے ہیں۔ وہیں اداکارہ مشل خان بھی ہیں جو بتاتی ہیں کہ کس چیز نے ان کی زندگی کو نقصان پہنچایا۔
ایک انٹرویو میں اداکارہ و ماڈل مشل خان نے پہلی بار اپنی صحت سے متعلق بتایا کہ ایک وقت تھا جب وہ کھانا کھانے سے ڈرتی تھیں۔
مشال خان نے اپنے کھانے کی خرابی (Eating Disorder) کے بارے میں بات کرتے ہوئے کہا کہ "خدا نے مجھے میری زندگی میں 3 بار بچایا۔ جب میں کھانے کی خرابی کے باعث موت کے منہ میں جانے والی تھی۔ اس کی کئی ساری وجوہات تھیں، کیونکہ میں نے تقریباً 6 سے 8 ماہ تک نہیں کھایا۔بس صرف ایک چھوٹا نوالہ کھا لیتی تھی۔
مشل نے انٹرویو میں بتایا کہ میں کچھ بھی کھانے سے ڈرتی تھیں۔ مجھے خوف تھا کہ اگر میں کچھ کھاؤں گی تو میرا وزن بڑھ جائے گا۔ ایک بار جب میں روئنگ کے مقابلے کے لیے جا رہی تھی تو اچانک میں وہاں بے ہوش ہوگئی، مجھے ایسا لگا کہ میں اپنے جسم میں جان محسوس نہیں کر پا رہی ہوں اور ایک لمحے کے لیے میری آنکھوں نے سامنے اندھیرا آگیا تھا۔