کترینہ اور وکی کے خوابوں کا گھر کیسا ہے؟ قیمت جان کر ہو جائیں گے حیران

بول نیوز  |  Nov 28, 2021

بالی ووڈ میں باربی ڈول کترینہ کیف اور ہدایت کار وکی کوشل کی شادی کی خبریں گردش کررہی ہیں اور اب ان کے خوابوں کے گھر کی تفصیلات بھی سامنے آگئی ہیں ۔

بھارتی میڈیا رپورٹس کے مطابق کترینہ کیف اور وکی کوشل شادی کے بعد ممبئی میں ہی رہیں گے، اس کے لئے انہوں نے جوہو کے علاقے میں راج محل نامی ایک رہائشی عمارت کی آٹھویں منزل پر ایک اپارٹمنٹ بھی کرائے پر لے لیا ہے۔ یہ وہی عمارت ہے جہاں ویرات کوہلی اور انوشکا شرما رہتے ہیں۔ اس طرح کترینہ اور انوشکا پڑوسی ہوگئے ہیں۔

اس حوالے سے ایک پراپرٹی ڈیلر نے بتایا ہے کہ وکی کوشل نے یہ اپارٹمنٹ پانچ سال کے لئے کرایہ پر لیا ہے ۔ اس کے لئے وکی نے سیکیورٹی ڈیپازٹ کے طور پر ایک کروڑ 75 لاکھ روپے جمع کرائے ہیں۔ 3 سال کے لئے اس اپارٹمنٹ کا ماہانہ کرایہ 8 لاکھ روپے ہوگا۔ جس کے بعد کرائے میں اضافہ کیا جائے گا۔

بالی ووڈ میں یہ خبریں گرم ہیں کہ کترینہ اور وکی دسمبر میں شادی کررہے ہیں لیکن کترینہ کے رشتے دار اس کی مسلسل تردید کررہے ہیں۔ ان کا کہنا ہے کہ ایسا کچھ بھی نہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More