کراچی میں گاڑیاں چھیننے والے گروہ کے 2 اہم کارندے گرفتار

بول نیوز  |  Nov 28, 2021

کراچی میں نادرن بائی پاس سے گاڑیاں چھین کر تاوان کا مطالبہ کرنے والے گروہ کے 2 اہم کارندے گرفتار ہوگئے ہیں۔

تفصیلات کے مطابق ایس ایس پی ویسٹ سوہائی عزیز کا کہنا تھا کہ ملزمان نادرن بائی پاس اور اطراف کے علاقوں سے گاڑیاں چھین کر ان کے عیوض تاوان کا مطالبہ کرتے تھے، ملزمان سے چھینی گئی سوزوکی اور زیرِ استعمال فورچیونر برآمد ہوئی ہیں۔

ایس ایس پی ویسٹ کے مطابق مورخہ 25 نومبر 2021 کو ملزمان تیسر ٹاؤن کے علاقے سے ڈرائیور انصار الحق سے کمپنی کی سوزوکی چھین کر فرار ہوئے تھے، واردات کا مقدمہ الزام نمبر 1832/2021 بجرم دفعہ 395 تھانہ سرجانی میں درج ہے۔

 سوہائی عزیز کا کہنا تھا کہ ملزمان نے گزشتہ شب چھینی گئی سوزوکی کے عیوض بھاری تاوان کا مطالبہ کیا، مدعی نے سرجانی پولیس سے رابطہ کر کے واقع کی اطلاع دی جس کے بعد ایس ایچ او سرجانی نے ہمراہ ٹیم حکمتِ عملی سے کارروائی کر کے ملزمان کو گرفتار کیا۔

ایس ایس پی ویسٹ کا کہنا تھا کہ ملزمان کے قبضے سے چھینی گئی سوزوکی اور فورچیونر برآمد ہوئی، ملزمان سے برآمدہ فورچیونر کے متعلق معلومات حاصل کی جا رہی ہیں۔

ضلع ویسٹ پولیس کے مطابق ملزمان کو ضابطے کے تحت گرفتار کر کے مزید تفتیش کے لئے حکام کے حوالے کر دیا گیا ہے، گرفتار ملزمان میں محمد صادق اور محمد بخش شامل ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More