وزیراعظم  عمران خان کامیاب جوان اسپورٹس ڈرائیو کا افتتاح کل کرنے جا رہے ہیں

بول نیوز  |  Dec 05, 2021

وزیراعظم عمران خان ملکی تاریخ کے سب سے بڑے کھیلوں کے پروگرام کامیاب جوان اسپورٹس ڈرائیو کا افتتاح کل 6 دسمبر کو کرنے جا رہے ہیں۔

تفصیلات کے مطابق کامیاب جوان اسپورٹس ڈرائیو کا شاندار اجراء جناح اسٹیڈیم اسلام آباد اسپورٹس کمپلیکس میں کیا جائے گا جس کے ساتھ کھیلوں کی سرگرمیوں کا باقاعدہ آغاز ہوگا۔

کھیلوں کے شعبے میں پاکستان کا معیار عالمی سطح پر لانے کے لئے سابق مشہور برطانوی فٹ بالر مائیکل اوون بھی کامیاب جوان اسپورٹس ڈرائیو کا حصہ بن گئے۔  پاکستان میں “ساکر سٹی” قائم کرکے زبردست ٹیلنٹ کی تلاش کیلئے جلد نیشنل ٹرائلز شروع کر دئیے جائیں گے۔

نوجوانوں میں چھپا کھیلوں کا جنوں ابھارنے کے لئے کامیاب جوان اسپورٹس ڈرائیو کا آفیشل ترانہ لانچ سے ایک دن پہلے ریلز کر دیا گیا ہے۔

وزیر اعظم کے معاون خصوصی عثمان ڈار کا  کہناہے کہ پاکستانی کے مقامی ٹیلنٹ کو عالمی سطح پر کامیاب بنانے کے لئے منصوبے کے پہلے فیز میں 12 کھیل بشمول ہاکی، کرکٹ، فٹ بال، ہینڈ بال، ریسلنگ، ویٹ لفٹنگ، اسکواش، والی بال، اسکی ، جوڈو، باکسنگ اور ایتھلیٹکس شامل ہیں۔

عثمان ڈار نے کہا کہ اس مہم میں خواتین کی شمولیت کو یقینی بنانے کے لئے ملک بھر میں دس مختلف کھیلوں کی سرگرمیاں ترتیب دی گئی ہیں۔

ملک کے تمام صوبوں بشمول گلگت بلتستان اور آزاد جموں و کشمیر کے 25 علاقہ جات میں کھیلوں کے مقابلے کرائے جائیں گے اور ایک کروڑ نوجوانوں کو سیلکشن کے عمل سے گزارا جائے گا۔

وزیر اعظم کے معاون خصوصی کا کہنا ہے کہ  کامیاب جوان اسپورٹس ڈرائیو کے تحت بائیو مکینک لیب اور 12 یونیورسٹیوں میں عالمی میعار کی اسپورٹس اکیڈمیاں اور ہائی پرفارمنس سنٹرز قائم کئے جارہے ہیں جہاں کامیاب کھلاڑیوں کو ٹریننگ فراہم کی جائے گی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More