یو اے ای گولڈن جوبلی نیشنل ٹیپ بال کرکٹ ٹورنامنٹ B4B نے اپنے نام کر لیا

بول نیوز  |  Dec 05, 2021

یو اے ای گولڈن جوبلی نیشنل ٹیپ بال کرکٹ ٹورنامنٹ B4B نے کیٹکیر بادشاہ کو شکست دے کر فائنل اپنے نام کر لیا۔

تفصیلات کے مطابق متحدہ عرب امارات کے قومی دن کے موقع پر دبئی کی معروف اسپورٹس کمپنی لیڈنگ اسپورٹس کے زیراہتمام کھیلے جانے والے اس ٹورنامنٹ کا فائنل اوول کرکٹ گراؤنڈ عجمان میں کھیلا گیا۔

 گولڈن جوبلی کرکٹ ٹورنامنٹ میں 12 ٹیموں نے حصہ لیا، فائنل میں کٹکیر بادشاہ نے ٹاس جیت کر B4B کو پہلے کھیلنے کی دعوت دی۔

B4B نے پہلے کھیلتے ہوئے 5 اوور میں 93 رنز بنائے،اسامہ 48 اور مزمل 33 رنز کی شاندار اننگز کھیل کر B4B کومضبوط پوزیشن میں کھڑا کیا ۔

کیٹکیر بادشاہ کی ٹیم فائنل میں خاص کارکردگی نہ دکھا سکی،2 اوور میں صرف 27 رنز بنا سکی B 4B نے ٹیپ بال کرکٹ ٹورنامنٹ سیزن 1 کی ٹرافی اپنے نام کی۔

اس سے قبل اوول عجمان کے میدان  میں سیمی میچیز میں کیٹکیر بادشاہ نے پہلے سیمی فائنل میں ہوریزن کرکٹ کلب کو شکست دیکر فائنل کے لئے کوالیفائی کیا تھا جبکہ دوسرے سیمی فائنل میں B4Bکی ٹیم نے کشمیریونائیٹڈ کی ٹیم کو شکست دیکر فائنل کے لئے کوالیفائی کیا تھا۔

 اوول کرکٹ گراؤنڈ میں شائقین کی ایک بہت بڑی تعداد موجود تھی،فائنل میچ کے مہمان خصوصی میاں اویس انجم تھے ۔

 ٹورنامنٹ کے اختتام پر پر وقار تقریب کا انعقاد کیا گیا جس میں فائنل جیتنے والی ٹیم کو وننگ ٹرافی اور کیش پرائز دیا گیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More