بھارت میں خوفناک ٹرین حادثہ، 9 افراد ہلاک اور درجنوں زخمی

بول نیوز  |  Jan 14, 2022

بھارتی ریاست مغربی بنگال میں ٹرین حادثے میں 9 افراد ہلاک اور درجنوں زخمی ہوگئے۔

بھارتی میڈیا کے مطابق ریاست مغربی بنگال میں بیکانیر گوہاٹی ایکسپریس ٹرین کو حادثہ پیش آیا ہے جو آسام سے راجستھان جارہی تھی کہ ضلع جل پیگوری میں ریل گاڑی کی کچھ بوگیاں پٹری سے اترگئیں جس کے سبب حادثہ پیش آیا۔

رپورٹس کے مطابق بیکانیر گوہاٹی ایکسپریس کی 12 بوگیاں پٹری سے اتر گئی تھیں جس میں ابتدائی طور پر 3 ہلاکتیں ہوئی تھیں جو اب 9 ہوچکی ہیں اور کچھ مسافروں کو معمولی چوٹیں آئیں تاہم کچھ کی حالت تشیوشناک ہے اور اب بھی اسپتال میں 36 زخمیوں کو طبی امداد دی جارہی ہے۔

دوسری جانب بھارتی ریلوے کے ترجمان نے کہا کہ ٹرین  کی 3 بوگیاں پٹری سے اتریں تھیں جس کے نتیجے میں اب تک 9 افراد ہلاک ہوچکے ہیں اور حادثے میں 45 سے زائد افراد زخمی ہوئے ہیں ، جنہیں اسپتال منتقل کرکے طبی امداد دی جارہی ہے۔

#UPDATE | Death toll in Bikaner-Guwahati Express mishap has risen to 9. Rescue operation is over. 36 injured were admitted to different hospitals. Passengers were sent to Guwahati by special train: Union Minister John Barla

(Latest visuals from the spot in Domohani, Jalpaiguri) pic.twitter.com/MpoLsrZnLZ

— ANI (@ANI) January 14, 2022

اسپتال ذرائع کا کہنا ہے کہ کچھ زخمیوں کی حالت تشیوشناک ہے اور ہلاکتوں میں اضافے کا خدشہ ہے جب کہ متعدد مسافربوگیوں میں پھنسے تھے جنہیں بوگیوں کو گیس کٹر سے کاٹ کر نکالا گیا ہے۔

ادھر جائے حادثہ پر ریسکیو آپریشن تقریباً مکمل ہوچکا ہے اور تمام بوگیوں کو ٹریک سے ہٹاکر پٹریاں کلیئر کردی گئی ہیں اور ٹرین سروس بھی بحال ہوچکی ہے تاہم حادثے کے باعث درجنوں ٹرین تاخیر کا شکار ہیں۔

وزارت ریلوے کی جانب سے ٹرین حادثے کی وجوہات جاننے کے لیے تحقیقات کا آغاز کردیا گیا ہے اور مرنے والوں کے ورثا کو مالی امداد بھی دینے کا اعلان کیا گیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More