وراٹ کوہلی اور میرے درمیان جو بات ہوئی وہ ذاتی ہے: محمد رضوان

اردو نیوز  |  Jan 15, 2022

پاکستان کے وکٹ کیپر بیٹسمین محمد رضوان کا کہنا ہے کہ گذشتہ سال ٹی20 ورلڈ کپ کے میچ میں انڈیا کو ہرانے کے بعد وراٹ کوہلی سے جو باتیں ہوئیں وہ ذاتی نوعیت کی ہیں بتائی نہیں جاسکتیں۔

ایک انٹرویو کے دوران محمد رضوان کا کہنا تھا کہ ’دیکھیں جی میں تو ان سے ملا نہیں تھا ہمارے باقی کھلاڑی ملے تھے انڈین پلیئرز سے، لیکن ہماری آخر میں بات ہوئی تھی میرے اور وراٹ کوہلی کے درمیان وہ پرسنل ہے۔‘

صحافی کے اصرار پر محمد رضوان کا کہنا تھا کہ ’آج تک وہ (بات) میں نے اپنے بھائی کو بھی نہیں بتائی اس نے پوچھا تھا۔‘

’وہ ایک ایسی بات ہے کہ ہم بتا نہیں سکتے بس میرے اور وراٹ کوہلی کے درمیان ہے وہ۔‘

محمد رضوان کا مزید کہنا تھا کہ انڈیا کے خلاف میچ ان کا کسی بھی ورلڈ کپ میں پہلا میچ تھا اور انہیں بعد میں محسوس ہوا کہ جیسے وہ میچ کوئی ’جنگ عظیم‘ تھا۔

وکٹ کیپر بیٹسمین نے کہا کہ ہم ٹی20 ورلڈ کپ کے سیمی فائنل میں ہار گئے تھے لیکن پھر بھی لوگوں نے بہت محبت دی۔

’لوگ کہتے ہیں انڈیا سے جو آپ نے میچ جیتا ہے ہمارا فائنل وہی تھا۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More