حکومت اور اتحادی ایک پیج پر ہیں، غلام سرور خان

بول نیوز  |  Jan 15, 2022

غلام سرور خان نے کہا ہے کہ حکومت اور اتحادی ایک پیج پر ہیں۔

وفاقی وزیر ہوا بازی غلام سرور خان نے میڈیا سے گفتگو کرتے ہوئے کہا ہے کہ ملک میں بے یقینی کی کیفیت پیدا ہورہی ہے ، حکومت اور اتحادی ایک پیج پر ہیں۔

انہوں نے کہا کہ ڈیل کے معاملے پر پروپیگنڈا کیا جارہا ہے ، نواز شریف کی واپسی کیلئے عدالت سے رجوع کیا ہے ، نوازشریف جعلی میڈیکل رپورٹ کے ذریعے باہر گئے تھے۔

غلام سرور خان نے کہا کہ نواز شریف کو برطانیہ کی حکومت بھی پانی نہیں دے رہی ، نواز شریف کو واپس لاکر جیل میں بند کیا جائے۔

وفاقی وزیر ہوا بازی نے کہا کہ حالیہ اجلاس ہوا ، اس کو منی بجٹ بھی کہا جاتا ہے ، اسٹیٹ بینک کا بل بھی منظور ہوا ہے ، سیشن کے بارے میں سیاسی ہائپ پیدا کی ، کہا گیا یہ ہو ہی نہیں سکتا، بے یقینی پیدا کی گئی ، اپوزیشن کا آپس میں اتحاد نہیں ہے۔

انہوں نے کہا کہ آج کی اپوزیشن ہمارا کچھ بگاڑ نہیں سکتی ، اس بار بھی ہمیں کامیابی ہوگی، اپوزیشن غلط ثابت ہوئی ، اپوزیشن کے بارہ لوگ غائب تھے، ان میں دراڑ ہے ، بھاری اکثریت سے ہم نے قوانین پاس کرائے ، لوگوں کی ملاقاتیں پارلیمنٹ میں ہوتی ہیں۔

غلام سرور خان نے کہا کہ اپوزیشن کے لوگ، حکومتی لوگ ملتے ہیں ، پیغام یہ دیا جاتا ہے کہ حکومت جا رہی ہے ، عدم اعتماد لانا ایک آئینی طریقہ کار ہے ، سینٹ میں عدم اعتماد پر شکست کے بعد اپوزیشن کو جرت نہیں ، میڈیا کے ذریعے ایک ہایپ بنائی جاتی ہے۔

وفاقی وزیر ہوا بازی نے کہا کہ بےیقنی کی کیفت پیدا کر کے حکومت کو نہیں ملک کو بھی نقصان ہے ، مولانا کوئی تاریخ اور بلاول کوئی تاریخ دیتے ہیں ، شاہد خاقان کہتے ہیں عدم اعتماد کا موڈ نہیں ، ڈیل کی باتوں پر آئی ایس پی آر کو آنا پڑا کہ ڈیل نہیں ہورہی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More