بالوں اور جلد کے لئے اخروٹ کے حیرت انگیز فوائد

بول نیوز  |  Jan 15, 2022

سردیوں میں خشک میوہ جات کا استعمال کرنا صحت کے لئے بےحد ضروری ہے۔

 لیکن انہیں میوہ جات میں اخروٹ ایک ایسا مفید میوہ ہے جو صحت کے ساتھ ساتھ جلد اور بالوں کی خوبصورتی میں اضافے کے لئے بھی بہترین ہے۔

روزانہ کتنے اخروٹ استعمال کرنے چاہیئے اور یہ بالوں اور جلد کے لئے کتنا مفید ہے آیئے اس پر روشنی ڈالتے ہیں۔

اینٹی ایجنگ خصوصیات

اخروٹ میں وٹامن ”بی” کی وافر مقدار موجود ہوتی ہے جس سے جلد جوان رہتی ہے اس لئے اخروٹ کھانے سے جلد پر جھریاں نہیں آتی اخروٹ میں وٹامن بی کے علاوہ وٹامن ای بھی پایا جاتا ہے جو چہرے پر بڑھاپے کے اثرات کو روکتا ہے اور جلد کی نشونما کے لئے بےحد ضروری ہے۔

جلد کی گہرائی سے صفائی

اخروٹ کے تیل سے جلد کا مساج کرنے سے گہرائی سے جلد کی صفائی ہوتی ہے اخروٹ کا تیل جلد کی گہرائی میں اتر کر اس کے صحت مند خلیات کو تقویت دیتا ہے جبکہ مردہ خلیات کو جلد سے باہر نکال پھینکتا ہے، ساتھ ہی اخروٹ کے تیل کے استعمال سے جلد کی خشکی ختم ہوتی ہے، اس سے جلد تروتازہ اور خوبصورت ہو جاتی ہے۔

اخروٹ کا ماسک

اخروٹ کا استعمال کر کے جلد کو تروتازہ اور چمکدار بنانے کے لئے بتائے گئے طریقے سے اخروٹ کا ماسک بنا کر لگائیں۔

اخروٹ کے چار دانوں کی گری، دو چمچ جو، ایک چھوٹا چمچ شہد، ایک چمچ تازہ کریم اور زیتون کے تیل کے چار قطرے اچھی طرح ایک پیالی میں نکال کر اچھی طرح مکس کریں اوران کا پیسٹ بنا کر چہرے پر لگائیں۔

اب آدھا گھنٹہ اس ماسک کو لگا کر رکھیں اور پھر اسے مساج کرتےہوئے دھو لیں، اس ماسک کو استعمال کرنے سے چہرے پر قدرتی چمک آئے گی اور رنگت بھی نکھر جائے گی۔

بالوں کے لئے اخروٹ کا استعمال

اخروٹ جلد کے ساتھ ساتھ بالوں کے لئے بھی بہترین ہے اخروٹ کے استعمال سے خواتین و مرد اپنے بالوں کو خوبصورت چمکدار اور کالا بنا سکتے ہیں، ایسے افراد جن کے بال کمزور ہیں وہ اپنی روزانہ کی خوارک میں اخروٹ شامل کریں اور بالوں میں اخروٹ کا تیل پابندی سے لگائیں۔

امریکا میں کی جانے والی ایک تحقیقات کے مطابق اخروٹ کے تیل کو شیمپوں کے ساتھ ملا کر بال دھونے سے بالوں کو مضبوط بنانے میں مدد ملتی ہے اور بالوں کا گِرنا بھی کم ہوتا ہے۔

اخروٹ کا تیل استعمال کرنے کا طریقہ

اخروٹ، زیتون اور ناریل کے تیل کو ملا کرماہرین اس تیل سے ہفتے میں تین مرتبہ مالش کامشورہ دیتے ہیں، اس تیل کا بالوں اور چہرے دونوں پر لگا کر بھرپور فوائد اُٹھائے جا سکتے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More