‘پاک امریکہ تعلقات کو مظبوط بنانے میں اوورسیز پاکستانی نمایاں ہیں’

بول نیوز  |  Jan 16, 2022

 اسپیکر پنجاب اسمبلی چودھری پرویزالہٰی کا کہنا ہے کہ  پاک امریکہ تعلقات کو مظبوط بنانے میں اوورسیز پاکستانی نمایاں ہیں۔

تفصیلات کے مطابق اسپیکر پنجاب اسمبلی چودھری پرویزالہٰی سے پاکستانی امریکن کنٹریکٹر ایسوسی ایشن کے صدر خورشید بھلی کی ملاقات ہوئی ہے۔

اس موقع پر اسپیکر پنجاب اسمبلی چودھری پرویزالہٰی کا کہنا تھا کہ اوورسیز پاکستانی ملک سے باہر ملک کے سفیر بھی ہیں۔

چودھری پرویزالہٰی نے کہا کہ انکی خدمات کے صلہ میں اوورسیز پاکستانیوں کو ووٹ کا حق دیا گیا تاکہ  اپنے لئے بہتر قیادت کا چناؤ کر سکیں۔

چودھری پرویزالہٰی نے کہا کہ  پاک امریکہ تعلقات کو مظبوط بنانے میں اورسیز پاکستانی نمایا ں ہیں، امریکن قانون ساز اداروں میں اورسیز پاکستانی نژار شہری بخوبی اپنا مثبت رول ادا کر رہے ہیں۔

چودھری پرویزالہٰی  کا کہنا تھا کہ ملک کی معشیت کو سہارا دینے کیلئے اوورسیز پاکستانی ماہانہ اربوں ڈالر بھجتے ہیں۔

چودھری پرویزالہٰی نے کہا کہ منی بجٹ میں حکومت کو معشیت مظبوط بنانے کیلئے ووٹ دیا اور اب حکومت کے پاس عوام کیلئے اقدامات اُٹھانے کا بہترین موقع ہے۔

  دوسری جانب خورشید بھلی کا کہنا تھا کہ چودھری شجاعت حسین نے  اوورسیز پاکستانیوں کی میتیں مفت واپس لانے کی سہولت دیکرہم سب کا بہت بڑا مسئلہ حل کر دیا ہے۔

انہوں نے مزید کہا کہ ساری پاکستانی اوورسیز کمیونٹی اُن کی مشکور ہے۔

واضح رہے کہ ملاقات میں ٹکٹ ہولڈر صوبائی اسمبلی سعید بھلی،سیکرٹری پنجاب اسمبلی محمد خان بھٹی بھی موجود تھے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More