اینڈرسن نے آصف کی ویڈیوز سےگیند کروانا سیکھی

سماء نیوز  |  Jan 16, 2022

انگلش فاسٹ بولر جیمز اینڈرسن نے انکشاف کیا ہے کہ انہوں نے پاکستان کے سابق فاسٹ بولر محمد آصف کی ویڈیوز دیکھ ووبل سیم بالنگ سیکھی۔

انگلیںڈ کے لیے ٹیسٹ کرکٹ میں 640 وکٹیں لینے والے اور فاسٹ بولر جیمز اینڈرسن نے کہا کہ 2010-11 کی ایشز سیریز سے قبل انہوں نے محمد آصف کو کوکابورا بال سے ووبل سیم بالنگ کراتے دیکھا جس کے بعد ‘میں نے انکی ویڈیوز دیکھنا شروع کیں، کیونکہ کوکابورا بال زیادہ سوئنگ فراہم نہیں کرتا ہے’۔

کنگ آف سوئنگ کے نام سے مقبول اینڈرسن نے کہا کہ سال 2010-11 کی ایشز سیریز سے قبل ہم نے پاکستان کیخلاف سیریز کھیلی، جس میں اسپاٹ فکسنگ کیس بہت مقبول ہوا تاہم آصف جس طرح گیند کررہے تھے وہ ناقابلِ یقین تھا۔ بال میں سیم اور سوئنگ نہیں تھا لیکن وہ صرف ووبل سیم بالنگ کروا رہے تھے۔

پاکستان کیخلاف سیریز کے بعد ‘میں اس بالنگ کی مشق کی اور دورہ آسٹریلیا کے دوران جب ایک ٹیسٹ میچ میں مجھے آرام دیا گیا تو میں نے اس پر محنت کی، جو حقیقت میں اس سیریز میں میرے لیے کامیابی کا باعث بنا’۔

واضح رہے کہ قومی فاسٹ بولر محمد آصف کی بہت سے کرکٹرز نے تعریف کی تاہم 2010 میں بدنام زمانہ اسپاٹ فکسنگ اسکینڈل میں ان کے کردار کی وجہ سے ان پر بین الاقوامی کرکٹ سے پابندی عائد ہونے کے بعد ان کا کیرئیر ختم ہوگیا، انہوں نے پاکستان کی نمائندگی کرتے ہوئے 23 ٹیسٹ، 38 ون ڈے اور 11 ٹی20 میچز میں 165 وکٹیں لیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More