فخر کی وطن واپسی، برسبین ہیٹ کی انتظامیہ کا اظہار ناراضگی

بول نیوز  |  Jan 17, 2022

فخر زمان کی وطن واپسی پر آسٹریلین فرنچائز برسبین ہیٹ کی انتظامیہ برا مان گئی ہے۔ صرف ایک میچ کے بعد ہی وطن واپسی پر بیٹر خود بھی مایوس نظر آئے۔

تفصیلات کے مطابق پی ایس ایل میں لاہور قلندرز کی نمائندگی کرنے والئے فخر زمان کو انتظامیہ نے بی بی ایل میں صرف ایک میچ کے بعد ہی وطن واپس طلب کرلیا۔

اس تناظر میں برسبین ہیٹ کی انتظامیہ نے ناراضگی کا اظہار کیا ہے۔ ان کا کہنا تھا کہ پی سی بی نے بدقسمتی سے فخر زمان کا معاہدہ معطل کردیا ہے۔

 ان کی غیر موجودگی ٹیم کیلئے مثبت ثابت نہیں ہوگی۔ ہمیں مایوسی ہے کہ فخر ہمارے ساتھ زیادہ مقابلوں میں شرکت نہیں کرسکے۔ دوسری جانب بیٹر نے ٹیم کے بقیہ مقابلوں کیلئے نیک خواہشات کا اظہار کیا ہے۔

یاد رہے کہ برسبین ہیٹ کی انتظامیہ نے فخر زمان کو انجرڈ پلئیر ٹام ای بیل کی عدم دستیابی کے باعث طلب کیا تھا۔

بی بی ایل کو چھوڑ کر وطن واپس آنے والوں  میں حارث رؤف، محمد حسنین،شاداب خان، احمد دانیال، سید فریدون شامل ہیں۔

کھلاڑی قومی ایونٹ کے حوالے سے کافی پرجوش ہیں۔پی ایس ایل کا افتتاحی مقابلہ 27 جنوری کو کراچی میں شیڈول ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More