افغانستان کے مغربی حصےمیں زلزلہ،12 افراد جاں بحق

سماء نیوز  |  Jan 17, 2022

افغانستان کے مغربی صوبہ بادغیس کے ضلع قادیس میں آج آنے والے زلزلے میں اب تک 12 اموات کی تصدیق ہوگئی۔

افغان میڈیا نے طالبان حکام کے حوالے سے لکھا کہ جاں حق ہونے والے 12 افراد میں سے خواتین اور بچے بھی شامل ہیں۔

بادغیس کے محکمہ اطلاعات و ثقافت کے قائم مقام ڈائریکٹر باز محمد سروری  کا کہنا ہے کہ آج دوپہر کو آنے والے زلزلے میں صوبہ کے ضلع مقر اور قادس میں جاں بحق ہونے والوں کے علاوہ متعدد افراد زخمی بھی ہوئے ہیں۔

بین الاقومی خبرایجنسی کے مطابق ریکٹر اسکیل پر زلزلے کی شدت5.6 جبکہ گہرائی 10 کلو ميٹر تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More