پشاور میں پیدا ہونے والے 6 جڑواں بچوں میں سے 4 انتقال کرگئے

بول نیوز  |  Jan 19, 2022

پشاور کے لیڈی ریڈنگ اسپتال میں بیک وقت پیدا ہونے والے 6 بچوں میں 4 انتقال کرگئے۔

پاکستان کے صوبے خیبرپختونخوا کے شہر پشاور کے اہم ترین اسپتال لیڈی ریڈنگ میں 3 روز قبل ضلع مہمند سے تعلق رکھنے والی خاتون نے بیک وقت 6 بچوں کو جنم دیا تھا جن میں 5 لڑکیاں اور ایک لڑکا شامل تھا تاہم اب ان میں سے 4 بچے انتقال کرگئے ہیں۔

یہ بھی پڑھیں: پشاور میں خاتون کے ہاں بیک وقت 6 بچوں کی پیدائش

لیڈی ریڈنگ اسپتال کے ترجمان کے مطابق پشاور کے اسپتال میں بیک وقت پیدا ہونے والے  6 بچوں میں سے 4 بچوں کا انتقال ہوگیا ہے ، تمام بچوں کی پیدائش کے بعد سے ہی انکیوبیٹر پر رکھا گیا تھا۔

ترجمان نے کہا کہ ایک ساتھ پیدا ہونے والے بچے کافی کمزور تھے اور پیدائش کے وقت ہی 6 میں سے 4 بچوں کی حالت تشویشناک تھی جب کہ بچوں کا پیدائش کے وقت وزن بھی انتہائی کم تھا۔

ترجمان نے مزید بتایا کہ زندہ رہ جانے والے بچوں کی حالت بھی تشویشناک ہے اور ان دو بچوں کو اب بھی انکیوبیٹر میں رکھا گیا ہے جب کہ ڈاکٹرز بھی اپنی پوری کوشش کررہے ہیں کہ کسی طرح ان دونوں بچوں کو بچالیا جائے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More