آسٹریلیا کا دورہ پاکستان، پاکستانی کھلاڑیوں کا تیاریاں جلد شروع کرنے کا فیصلہ

بول نیوز  |  Jan 21, 2022

کراچی: قومی ٹیسٹ پلیئرز کی ہوم سیریز کیلئے تیاریاں جلد شروع کرنے کا فیصلہ کیا گیا ہے۔

تفصیلات کے مطابق ریڈ بال کرکٹ کھیلنے والے کرکٹرز کا کیمپ آئندہ ہفتے لاہور میں شروع ہوگا جبکہ نیشنل ہائی پرفارمنس سینٹر میں کرکٹرز منگل سے ٹریننگ کا آغاز کریں گے۔

پی ایس ایل میں شامل نہ ہونے والے دیگر کھلاڑیوں کو بھی کیمپ میں بلایا جائے گا۔

یہ بھی پڑھیں: دورہ پاکستان کے حوالے سے آسٹریلوی کپتان کا بیان سامنے آگیا

واضح رہے کہ آسٹریلیا نے مارچ اور اپریل میں ٹیسٹ اور وائٹ بال کرکٹ سیریز پاکستان میں کھیلنا ہے جبکہ تین ٹیسٹ میچز کی سیریز کا پہلا ٹیسٹ 3 مارچ سے کراچی میں کھیلا جائے گا۔

یاد رہے کہ اس سے قبل آسٹریلین کرکٹ بورڈ کے چیف ایگزیکٹو نک ہاکلے کا بیان سامنے آیا تھا جس میں انہوں نے کہا تھا کہ ان کی ٹیم اگلے سال مارچ میں پاکستان کا دورہ کرنے کے لیے پرعزم ہے۔

انہوں نے کہا تھا کہ اومیکرون کے خدشات کے باوجود سیریز منسوخ نہیں کی جائے گی، دورہ پاکستان کے لیے ہم پی سی بی اور تمام حکام کے ساتھ مل کر کام کر رہے ہیں۔

ان کا کہنا تھا اس سلسلے میں کرکٹ آسٹریلیا کی ایک ٹیم نے حال ہی میں پاکستان کا دورہ بھی کیا تھا، کینگروز کا دورہ پاکستان ایک پیچیدہ کوشش ہے، ہم اس دورے کے لیے بہت پرعزم ہیں۔ لیکن یہ اس وقت تک ہے جب تک یہ دورہ ہمارے لئے محفوظ ہے۔

یہ بھی پڑھیں: پاکستان میں اومیکرون کے باوجود دورہ کریں گے، کرکٹ آسٹریلیا

دوسری جانب آسٹریلین کرکٹ ٹیم کے کپتان پیٹ کمنز کا کہنا تھا کہ یقین ہے کہ ٹیسٹ اسکواڈ پاکستان کا دورہ کرے گا لیکن ابھی دورے کے حوالے سے بہت کچھ ہونا ہے۔

پیٹ کمنز نے کہا تھا کہ اس موقع پر میں دورے کے حوالے سے بہت پازیٹو ہوں جبکہ اس حوالے سے پاکستان کرکٹ بورڈ نے جو کام کیے ہیں وہ شاندار ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More