وزیراعظم کی آئی سی سی ایوارڈز جیتنے پر پاکستانی کرکٹرز کو مبارکباد

ہم نیوز  |  Jan 24, 2022

وزیراعظم  عمران خان نے انٹرنیشنل کرکٹ کونسل (آئی سی سی) ایوارڈز جیتنے پر پاکستانی کرکٹرز کو مبارکباد پیش کی ہے۔

اپنی ٹوئٹ میں انہوں نے آئی سی سی ایوارڈز جیتنے والے قومی ٹیم کے کپتان بابراعظم، شاہین شاہ آفریدی، محمد رضوان اور فاطمہ ثنا کی تصاویر بھی شیئر کی ہیں۔

انہوں نے کہا ہے کہ آپ نے ہمارا سر فخر سے بلند کردیا ہے۔

Congratulations to our cricket stars. You have made us proud.

— Imran Khan (@ImranKhanPTI)

یاد رہے کہ آئی سی سی نے قومی ٹیم کے فاسٹ بولر شاہین شاہ آفریدی کو کرکٹر آف دی ایئر کے ایوارڈ سے نوازا ہے۔

قومی ٹیم کے کپتان بابراعظم کو آئی سی سی او ڈی آئی پلیئر آف دی ایئر کا ایوارڈ ملا جب کہ محمد رضوان ٹی ٹوئنٹی کرکٹر آف دی ایئر اور فاطمہ ثنا نے ایمرجنگ وویمن کرکٹر آف دی ایئر کا ایوارڈ جیتا۔

خیال رہے کہ بابراعظم کو آئی سی سی ون ڈے اور ٹی ٹوئنٹی ٹیم کا کپتان بھی مقرر کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More