کرپٹو و ڈیجیٹل کرنسیوں ویب سائٹس بند نہ کرنیکا فیصلہ

سماء نیوز  |  Feb 14, 2022

پاکستان ٹیلی کام اتھارٹی نے کرپٹو کرنسی ویب سائٹس بلاک نہ کرنے کا فیصلہ کرلیا۔ حکام کا کہنا ہے کہ ایف آئی اے نے 1500 سے زائد ویب سائٹس بلاک کرنے کیلئے کہا تاہم قانونی حوالہ کمزور ہے، اسٹیٹ بینک کے سرکلر کو بنیاد بنا کر ویب سائٹس بلاک نہیں کی جاسکتیں۔

وفاقی تحقیقاتی ادارے فیڈرل انویسٹی گیشن ایجنسی (ايف آئی  اے) نے کرپٹو کرنسی اور ڈيجيٹل کرنسیوں کا کاروبار کرنیوالی 1600 کے قريب ويب سائٹس بند کرنے کیلئے پی ٹی اے کو تقریباً ایک ماہ قبل خط لکھا تھا۔

ایف آئی اے کے خط کا جواب دیتے ہوئے پاکستان ٹیلی کام اتھارٹی (پی ٹی اے) نے کہا کہ کرپٹو اور دیگر ڈیجیٹل کرنسیوں کا کاروبارہ کرنیوالی ویب سائٹس فوری طور پر بلاک نہیں کی جاسکتیں۔

پی ٹی اے حکام کا کہنا ہے کہ کرپٹو کرنسی ویب سائٹس کے حوالے سے وزارت آئی ٹی سے رائے مانگی ہے، ایف آئی اے نے 1540 ڈیجیٹل کرنسی ویب سائٹس کے نام بلاک کرنے کیلئے بھیجے، ایف آئی اے کا ویب سائٹس بند کرنے کیلئے قانونی حوالہ کمزور ہے۔

حکام نے مزید کہا ہے کہ اسٹیٹ بینک آف پاکستان کے سرکلر کو بنیاد بناکر ساری ویب سائٹس کو بند نہیں کیا جاسکتا، جب تک کوئی میکنزم نہیں بنالیتے ویب سائٹس بند نہیں ہوں گی۔

پی ٹی اے حکام کا مزید کہنا ہے کہ ڈیجیٹل کرنسی کا مستقبل کیا ہوگا؟، متعلقہ اداروں سے مشاورت شروع کردی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More