عام طور پر پھل تو سارے ہی اچھے ہوتے ہیں لیکن کچھ پھل ایسے ہیں جو کہ خاص موسم میں ہی اچھے لگتے ہیں، لیچی بھی انہی میں سے ایک ہے۔
ہماری ویب ڈاٹ کام کی اس خبر میں آپ کو لیچی سے متعلق دلچسپ معلومات فراہم کریں گے۔
میٹھے اور رسیلے پھل کے طور پر یاد کی جانے والی لیچی عام طور پر گلابی اور لال رنگ کی ہوتی ہے، اس کے اوپر موجود چھلکے کو ہٹا کر کھایا جاتا ہے۔
جبکہ لیچی کو آئس کریم اور جوس میں شامل کیا جاتا ہے، لیچی میں وٹامنز، منرلز اور اینٹی آکسیڈنڈس موجود ہوتے ہیں۔
ہیلتھ لائن نامی ویب سائٹ کے مطابق لیچی میں موجود پوٹیشئم، کاپر، وٹامن سی اور روٹن دل کے امراض، کینسر اور ذیابطیس کے خطرے کو کم کرنے میں مدد کر سکتا ہے۔
دوسری جانب جگر کے کینسر کے خلاف بھی یہ چھوٹا سا پھل کار آمد ہو سکتا ہے۔ نیوٹریئنٹس کی موجودگی خون کی روانی کو بہتر بنانے میں مدد کر سکتی ہے، تاہم ماہرین کے مطابق حاملہ خواتین لیچی کے استعمال سے گریز کریں۔
ہاضمے کو بہتر بنانے میں اور وائرس کے خلاف بھی لیچی موثر ثابت ہو سکتی ہے، ساتھ ہی ساتھ بلڈ پریشر کنٹرول رکھنے میں بھی لیچی فائدہ مند ہو سکتی ہے۔
جلد کو خوبصورت بنانے اور اسے تازگی بخشنے میں بھی لیچی اہم کردار ادا کر سکتی ہے۔