زارا نور کی عالیہ بھٹ کی حمایت، ’میں سمجھی صرف پاکستانی ہی ایسا سوچتے ہیں‘

اردو نیوز  |  Jun 29, 2022

پاکستانی اداکارہ زارا نور عباس نے انڈین اداکارہ عالیہ بھٹ کی میڈیا پر تنقید کی حمایت کرتے ہوئے کہا ہے کہ میں سمجھی کہ صرف پاکستانی ہی ایسا سوچتے ہیں۔

منگل کو مائیکرو بلاگنگ ایپ انسٹاگرام پر عالیہ بھٹ کی سٹوری کو ری پوسٹ کرتے ہوئے زارا نور عباس نے کہا ’میں سمجھی کہ صرف پاکستانی ہی ایسا سوچتے ہیں، خاص طور پر جب برینڈ نے مجھے اس وجہ سے کام دینا ختم کر دیا جب انہیں پتا چلا کہ میرے ہاں بچے کی پیدائش متوقع ہے۔ جب اداکارہ حاملہ ہو تو معاشرے کو یہ لگتا ہے یہ اب کسی کام کے قابل نہیں ہے۔‘

ان کا مزید کہنا تھا ’یہ حکم چلانے والوں (مردوں) کو سمجھ آ جانی چاہیے، ہمیں اپنی ممتا اور ہنر کا ثبوت کسی پدرشاہی کو دینے کی ضرورت نہیں ہے۔‘

واضح رہے گذشتہ روز عالیہ بھٹ نے انسٹاگرام پر اپنے حمل، نجی زندگی اور شوٹنگ کے معاملات پر قیاس آرائیاں کرنے پر میڈیا کو تنقید کا نشانہ بنایا تھا۔

انہوں نے کہا تھا ’ہم ابھی بھی لوگوں کے دماغ میں رہتے ہیں، ہم ابھی بھی پدر شاہی دنیا میں رہتے ہیں۔ کسی چیز میں بھی تاخیر نہیں ہوئی ہے، کسی کو ضرورت نہیں ہے کہ وہ کسی کو لینے آئیں۔ میں خاتون ہوں کوئی پارسل نہیں ہوں۔‘

گذشتہ روز عالیہ بھٹ نے انسٹاگرام پر اپنے حمل، نجی زندگی اور شوٹنگ کے معاملات پر قیاس آرائیاں کرنے پر میڈیا کو تنقید کا نشانہ بنایا تھا (فائل فوٹو: ٹوئٹر)دوسری جانب پاکستان اداکارہ درفشاں سلیم بھی انسٹاگرام پر اپنی سٹوری میں عالیہ بھٹ کے بیانات کی حمایت کرتے ہوئے کہتی ہیں ’ہم شادی کر سکتی ہیں، بچے پیدا کر سکتی ہیں، اس کے باوجود کام کر سکتی ہیں۔ شادی زندگی کا حصہ ہے نہ کہ رک جانے کی چیز ہے، خواتین کو بتانا بند کریں کہ ان کے کیریئر کے مقاصد اس کے ساتھ نہیں چل سکتے ہیں۔‘

خیال رہے کہ بالی وڈ کی رادھا گرل عالیہ بھٹ نے پیر کو انسٹاگرام پر اپنے حاملہ ہونے کے بارے میں پوسٹ لگائی تھی جس کے بعد انٹرنیٹ پر عالیہ بھٹ اور رنبیر کپور کے بارے میں خوب بات چیت ہو رہی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More