پنجاب اسمبلی میں5مخصوص نشستوں پر پی ٹی آئی اراکین نے حلف اٹھا لیا

ہم نیوز  |  Jul 07, 2022

پنجاب اسمبلی میں5مخصوص نشستوں پر پی ٹی آئی کے اراکین نے حلف اٹھا لیا

پنجاب اسمبلی میں خواتین کی 3 اور اقلیتوں کی 2 مخصوص نشستوں پر تحریک انصاف کے اراکین نے حلف اٹھا لیا۔ اسپیکر پنجاب اسمبلی چوہدری پرویز الہی نے پانچ مخصوص نشستوں پر اراکین سے حلف لیا۔

خواتین کی تین مخصوص نشستوں پر بتول زین، سائرہ رضا اور فوزیہ عباس نے حلف اٹھایا۔ اقلیتوں کی دو مخصوص نشستوں پر حبکوک رفیق اور سیموئیل یعقوب نے حلف اٹھا۔

پنجاب اسمبلی میں  پانچ مخصوص نشستوں پر حلف اٹھانے کے بعد پنجاب اسمبلی میں تحریک انصاف اور ان کے اتحادیوں کی تعداد 173 ہوگئی۔

الیکشن کمیشن نے لاہور ہائیکورٹ کے فیصلے کے بعد گزشتہ روز  پاکستان تحریک انصاف  کی 5 مخصوص نشستوں کے نوٹیفکیشنز جاری کیے تھے۔

واضح رہے کہپنجاب اسمبلی  میں حمزہ شہباز کو ووٹ دے کر اپنی پارٹی کی پالیسی سے انحراف کرنیوالے 25  پی ٹی آئی اراکین اسمبلی کو ڈی سیٹ کردیا گیا تھا۔ جس میں مخصوص نشستوں پر ایم پی اے بننے والے 5 اراکین بھی شامل تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More