پنجاب پولیس کو ٹھیک کرنے کا مشن ،وزیراعلیٰ پنجاب نے پورا محکمہ پولیس ہلاکررکھ دیا،97افسران کے حوالے سے ایسا حکم کہ سب نے سر پکڑ لیے

روزنامہ اوصاف  |  Aug 16, 2022

لاہور(نیوز ڈیسک ) حکومت پنجاب نے 55 پولیس افسران کے تبادلوں کےصرف ایک دن بعد مزید 42 پولیس افسرانکو تبدیل کردیا جن میں 18 ایس پیز اور 24 ڈی ایس پی شامل ہیں جب کہ تین اضلاع کے ڈپٹی کمشنرز اور متعدد تحصیلوں کے اسسٹنٹ کمشنرز کوبھی تبدیل کیا گیا ہے۔نوٹیفکیشن کے مطابق ڈپٹی کمشنربہاولپورعرفان علی اور ڈپٹی کمشنر اوکاڑہ زاہد پرویزکا باہم تبادلہ کیا گیا ہے جب کہ سید آصف حسین کو ڈپٹی کمشنر پاکپتن تعینات کیاگیا ہے۔پنجاب حکومت نے مہتاب احمد خان کو اسسٹنٹ کمشنر بھوانہ ،غلام مصطفیٰ جٹ کو اسسٹنٹ کمشنرکمالیہ،عابد شبی کو اسسٹنٹ کمشنرٹوبہ ٹیک سنگھ تعینات کیا ہے جب کہ قاسم محبوب کو اسسٹنٹ کمشنرپتوکی،کامران افضل کو دریاخان ، قمر محمود منج کو اسسٹنٹ کمشنررینالہ خورد اور رانا اورنگزیب کو اسسٹنٹ کمشنردیپالپورلگایا گیا ہے۔دوسری جانب پنجاب پولیس میں55 افسران کے تبادلے کے ایک روزبعد ہی 18 ایس پی اور 24 ڈی ایس پی عہدے کے افسران بدل دیے گئےہیں۔ایس پی کینٹ لاہور حمزہ امان اللہ ایس پی آپریشنز صدرلاہور، ایس پی انوش مسعود ڈپٹی ڈائریکٹر ہیڈکوارٹر اسپیشل پروٹیکشن یونٹ، وقارعظیم ایس پی صدر گوجرانوالہ اور اویس ملک کو ایس ایس پی انٹرنل اکاونٹیبلیٹی لاہور لگایا گیا ہے۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More