وادی نیلم : رتی گلی جھیل پر پھنسے 100 سے زائد سیاحوں کو ریسکیو کر لیا گیا

ہم نیوز  |  Aug 16, 2022

مظفرآباد: وادی نیلم میں واقع رتی گلی جھیل پر پھنسے ہوئے 100 سے زائد سیاحوں کو ریسکیو کر لیا گیا ہے۔

ہم نیوز نے وزیراعظم ہاؤس آزاد کشمیر کے ترجمان کے حوالے سے بتایا ہے کہ تمام ریسکیو کیے جانے والے سیاحوں کے رہنے اور کھانے پینے کا بندوبست کردیا گیا ہے۔

ترجمان وزیراعظم ہاؤس آزاد کشمیر کے مطابق کلاوڈ برسٹ کے باعث متاثر ہونے والے گھروں کے مکینوں کو بھی متبادل جگہ پر منتقل کیا جا رہا ہے۔

ہم نیوز کے مطابق ترجمان وزیر اعظم ہاؤس نے اس ضمن میں بتایا ہے کہ ڈپٹی کمشنر اور ایس پی وادی نیلم ریسکیو آپریشن کی نگرانی کر رہے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More