کمانے کے لئے دوسرے ملک گئے مگر اب جنازے واپس آرہے ہیں۔۔ 6 پاکستانی مزدوروں کی سعودیہ میں موت کیسے ہوئی؟

ہماری ویب  |  Aug 17, 2022

غریب افراد محنت مذدوری کرنے دوسرے ملک یہ سوچ کر جاتے ہیں کہ ہم تو محنت کریں گے لیکن پیچھے کم سے کم ہمارے گھر والے اچھی زندگی گزار سکیں گے۔ شاید یہی خواب ان 6 نوجوانوں کا بھی تھا جو سعودی عرب گئے تو روزگار کمانے تھے مگر اب جنازوں کی صورت میں وطن واپس آرہے ہیں۔

مرنے والوں کے نام

سعودی خبر رساں اداروں کے مطابق جمعرات کے دن پاکستان مزدوروں کی گاڑی ایک بڑے ٹرالر سے ٹکرا گئی جس میں 6 پاکستانی مزدور موقع پر ہی ہلاک ہوگئے اور 2 شدید زخمی ہیں۔ جاں بحق ہونے والے 6 مزدوروں کا تعلق خیبرپختونخواہ کے مختلف شہروں سے تھا۔ مرنے والوں کے نام خیر زمین، طیب، سعیداللّٰہ، فضل حیات، حیات خان اور حکیم خان ہیں۔

نماز جنازہ کہاں ادا ہوئی؟

سعودی حکام کے مطابق مرنے والوں کی نمازِ جنازہ مسجدِ عقیقہ الریاض میں ادا کی جاچکی ہے اور ضروری کارروائی کے بعد میتیں آج پاکستان بھیج دی جائیں گی۔ زخمی پاکستانی مزدور اسپتال میں زیرِ علاج ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More