بچپن بھی کتنی بہترین چیز کا نام ہے جب آپ بس اپنی مرضی کا کھانا کھاتے ہیں اور کھلونے سے کھیلتے رہتے ہیں اور تو اور سب گھر والے آپ کی پیاری پیاری حرکتوں کو پسند کرتے ہیں۔
یہی وجہ ہے کہ آج ہم آپ کے سامنے اس شخصیت کو لیکر پیش ہوئے ہیں جس کے بارے میں بتا پانا کہ یہ کون ہیں آپ کیلئے مشکل ہو جائے گا۔
والدہ کی گود میں بیٹھی معصوم چہرے والی بچی آج پوری دنیا میں مشہور ہے اور یہ کوئی عام بچی نہیں بلکہ ٹونکل کھنا ہے جوکہ ایک مشہور بھارتی اداکارہ اور اکشے کمار کی اہلیہ ہیں۔
آج پوری فلم انڈسٹری میں ان کی بہت اہمیت ہے کیونکہ ایک تو یہ ماضی کے مشہور جوڑی ڈمپل کپاڈیا اور راجیش کھنا کی بیٹی اور اکشے کمار کی بیوی ہیں۔ اس لیے سب کی ان کی عزت کرتے ہیں۔
ان کے بارے میں اور بات کرنے سے پہلے یہ بتاتے چلیں کہ یہ تصویر ٹونکل کھنا کے بچپن کی ہے جب ان کی والدہ نے انہیں پیار سے اپنی گود میں بٹھایا ہوا تھا تو خاندان کے کسی فرد نے اس موقعے کو کیمرے کی آنکھ میں محفوظ کر لیا۔
بچپن سے ہی ہنٹ کھٹ ٹونکل جس طرح آج ہمیشہ سے بن ٹھن کر رہتی ہیں تو بالکل اسی طرح بچپن میں بھی رہتی تھیں۔
جس کا منہ بولتا ثبوت ان کی یہ تصویر میں جس میں ہلکے جامنی رنگ کی فراک پہن رکھے ہیں اور گلے میں ایک خوبصورت سا لاکٹ بھی پہن رکھا ہے جو ان کو مزید حسین بنا رہا ہے ۔مزید یہ کہ ان کی مشہور فلموں میں میلا، جان، بادشاہ اور دل تیرا دیوانہ جیسی فلمیں سر فہرست ہیں۔
خیال رہے کہ اب ٹونکل کھنا فلموں میں کام نہیں کرتیں بلکہ وہ فلمیں بناتی ہیں، گھر اور بچوں کی دیکھ بھال کرتی ہیں اور اس کے بعد اپنے شوق کے مطابق گھر کی سجاوٹ کرتی رہتی ہیں۔