پلاسٹک کے باجوں نے جہاں جشن آزادی کے دنوں میں شہریوں کو تنگ کر کے رکھ دیا تھا وہیں اب شہریوں نے بچوں کو سبق سکھانے کا نیا طریقہ نکال لیا۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک ویڈیو کافی وائرل ہے جس میں ایک سڑک پر بچے پلاسٹک کے باجوں سے لوگوں کی ناک میں دم کر رہے ہیں۔
پلاسٹک کا باجا جب بچوں نے بجانا شروع کیا تو سڑک پر موجود ہر ایک نے اپنے کانوں پر ہاتھ رکھ لیے، گھروں میں موجود لوگوں نے بھی کانوں پر ہاتھ رکھ لیے تھے جو کوئی ان بچوں کو بھگانے کی کوشش کرتا تو بچے مزید تیز آواز سے باجے بجانا شروع کر دیتے۔
ایسے میں ایک شہری نے نرالا طریقہ نکالا جو خطرناک تو تھا ہی مگر سوشل میڈیا پر وائرل ہو گیا۔ شہری نے اپنے جرمن شیفرڈ کتوں کو ان بچوں کے پیچھے چھوڑ دیا۔
پھر کیا تھا، آگے آگے بچے باجے لیے بھاگ رہے تھے اور پیچھے کتے لگے ہوئے تھے۔ سڑک پر ایک الگ ہی تفریح کا منظر تھا، لیکن اس سب میں یہ بھولنا نہیں چاہیے کہ اس طرح کا عمل بچوں کی جان بھی لے سکتا تھا کیونکہ پلے ہوئے کتے ہی سہی، لیکن ہوتے تو یہ بھی جانور ہی ہیں۔
جانور نقصان پہچاتے وقت یہ نہیں دیکھتا ہے کہ کون ہے، یہاں بھی ایسا ممکن تھا مگر خوش قسمتی سے کوئی ناگوار حادثہ پیش نہیں آیا۔ ویڈیو کو سوشل میڈیا صارفین کی جانب سے پسند بھی کیا جا رہا ہے۔