وزیراعظم کا سعودی ولی عہد سے ٹیلی فونک رابطہ، قومی دن کی مبارکباد

ہم نیوز  |  Sep 22, 2022

وزیراعظم محمد شہباز شریف کا سعودی عرب کے ولی عہد محمد بن سلمان بن عبدالعزیز سے ٹیلی فونک رابطہ ہوا ہے۔ وزیراعظم نے شہزادہ محمد بن سلمان کو سعودی عرب کے 92 ویں قومی دن کے موقع پر مبارکباد دی۔

وزیراعظم نے خادم الحرمین الشریفین شاہ سلمان بن عبدالعزیز اور سعودی عرب کے عوام کیلئے نیک تمناؤں کا اظہار کیا۔

انہوں نے سعودی عرب کے برادر عوام کی مسلسل ترقی اور خوشحالی کیلئے بھی نیک خواہشات ظاہر کیں۔

اس موقع پر وزیراعظم  نے سعودی ولی عہد کو پاکستان میں حالیہ سیلاب کی صورتحال اور امداد و بحالی کی جاری کاوشوں کے بارے میں بھی آگاہ کیا۔

سعودی ولی عہد نے پاکستان میں غیرمعمولی سیلاب کے باعث عوام کی قیمتی جانوں کے ضیاع اور ذریعہ معاش و املاک کے نقصان پر دلی افسوس کا اظہار کیا۔

گفتگو کے دوران وزیراعظم اور سعودی ولی عہد نے قریبی رابطہ برقرار رکھنے پر اتفاق کیا۔

 

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More