پاکستان اور بھارت کے میچز میں تو روایتی ٹاکرا ہوتا ہی ہے البتہ میچز کے علاوہ دونوں ملکوں کے کھلاڑیوں میں کبھی بہت گہری دوستی دیکھنے میں آتی ہے تو کبھی مقابلہ بازی ہوتی ہے۔ البتہ اس وقت سوشل میڈیا پر ایک دلچسپ صورت حال دیکھنے کو مل رہی ہے کیوں دونوں ملکوں کے مشہور کھلاڑیوں کے بچپن کی ایسی تصویر وائرل ہورہی ہے جس میں ناقابل بیان حد تک مشابہت ہے جب کے ان دونوں کے درمیان اکثر ہی مقابلے کی ٹھنی رہتی ہے۔ کیا آپ ان دونوں کو پہچان سکتے ہیں؟
چلیں اگر آپ نہیں پہچان پارہے تو ہم بتا دیں اس تصویر میں سیدھے ہاتھ کی جانب جو بچہ ہے وہ بھارت کے سابق کپتان ویرات کوہلی ہیں اور دوسری جانب پاکستانی کرکٹ ٹیم کے موجودہ کپتان بابر اعظم ہیں۔ ان تصاویر میں دونوں ایک دوسرے سے اتنے مل رہے ہیں کہ سوشل میڈیا صارفین نے انھیں جڑواں بھائی ہی قرار دے دیا ہے۔
حیرت انگیز طور پر دونوں کی نہ صرف شکلیں مل رہی ہیں بلکہ دونوں نے ایک جیسے چیک کی شرٹس پہن رکھی ہے جن کی رنگت بھی ایک جیسی ہے۔ دونوں کے بالوں کا انداز بھی ایک جیسا ہے۔