پاکستان کرکٹ ٹیم کے سابق کپتان اور اسٹار بلے باز بابر اعظم نے ایک بار پھر اپنی شادی کا سوال خوبصورتی سے ٹالنے کے ساتھ ساتھ شادی شدہ کرکٹرز پر جملہ داغ کر قہقہے بکھیر دیئے۔
پاکستان سپر لیگ 9 کی ٹرافی کی رونمائی کی تقریب میں شاہین آفریدی، شاداب خان، بابر اعظم، محمد رضوان، سرفراز احمد اور شان مسعود بھی موجود تھے۔اسی دوران محمد رضوان نے بابر سے پوچھا کہ آپ کی شادی کب ہو رہی ہے جس پربابر نے کہا اکیلے میں بتاؤں گا۔
اس موقع پر میزبان نے بھی لقمہ دیتے ہوئے کہا کہ آج کل بہت شادی کی باتیں ہو رہی ہیں، جس پر بابر نے کہا کہ ماشاء اللہ سب کی ہوگئی ہے۔بابر کا کہنا تھا کہ جن کی شادی ہو گئی ہے، ان کی شکلیں دیکھیں نا، بابر کا یہ کہنا تھا اور پھر محفل میں قہقہے کی آوازیں آنا شروع ہو گئیں۔
یاد رہے کہ قومی ٹیم کے سابق کپتان بابر اعظم سے پہلے بھی شادی کے حوالے سے سوال کو ٹال دیتے ہیں تاہم محمد رضوان ان سے بار بار شادی کے حوالے سے سوال کرتے رہتے ہیں۔
اس تقریب میں بابر کے دلچسپ جواب پر شاداب خان نے فوری " میں تو خوش ہوں"، جواب دیکر سوال جواب کے اس سلسلے کو مزید خوبصورت بنادیا، ویڈیو سوشل میڈیا پر وائرل ہونے کے بعد صارفین دلچسپ تبصرے کررہے ہیں۔