انگلینڈ نے چھٹا ٹی 20 جیت لیا، سیریز تین تین سے برابر

ہم نیوز  |  Sep 30, 2022

چھٹے ٹی ٹوئنٹی میچ میں انگلینڈ نے پاکستان کو ایک طرفہ مقابلے کے بعد 8 وکٹوں سے شکست دے کر سیریز تین تین سے برابر کر دی۔

قذافی اسٹیڈیم لاہور میں کھیلے گئے میچ میں انگلینڈ نے پاکستان کی جانب سے دیا گیا 170 رنز کا ہدف 14 ویں اوور میں 2 وکٹوں کے نقصان پر حاصل کر لیا۔

انگلینڈ کے سلامی بیٹرز نے پاکستانی بولرز کو گراونڈ کے چاروں اطراف چوکے،چھکے لگائے اور تین اوورز میں ففٹی جڑ دی۔ مہمان ٹیم کے فلپ سالٹ نے 41 گیندوں پر 87 رنز کی ناقابل شکست اننگز کھیلی۔

ان کی جارحانہ اننگز میں 3 چھکے اور 13 چوکے شامل تھے۔ ان کے علاوہ ایلکس ہیلز نے 27، ڈیوڈ مالان اور بین ڈیکٹ نے 26، 26 رنز کی باری کھیلی۔

پاکستان کی جانب سے شاداب خان نے دو کھلاڑیوں کو آؤٹ کیا۔

اس سے پہلے انگلینڈ نے پاکستان کے خلاف ٹاس جیت کر فیلڈنگ کا فیصلہ کیا ہے۔

قومی ٹیم کی جانب سے کپتان بابراعظم نے شاندار بیٹنگ کا مظاہرہ کیا اور 59 گیندوں پر 87 رنز کی ناقابل شکست اننگز کھیلی۔ ان کے علاوہ افتخار احمد نے 31 رنز بنائے۔

انگلینڈ کی جانب سے سیم کرن اور ویلی نے دو دو کھلاڑیوں کو آؤٹ کیا۔

ٹاس و ٹیم

ٹاس کے بعد گفتگو کرتے ہوئے قومی ٹیم کے کپتان بابراعظم نے بتایا کہ ٹاس اپنے ہاتھ نہیں، اگر جیت جاتا تو بولنگ کا فیصلہ کرتا۔

انہوں نے کہا کہ انگلینڈ کو 160 170 رنز تک کا ہدف دینے کی کوشش کریں گے۔

2️⃣ changes to our playing XI 👇 | pic.twitter.com/JLxqO3aH3c

— Pakistan Cricket (@TheRealPCB) September 30, 2022

واضح رہے سات میچوں کی سیریز میں پاکستان کو تین دو سے برتری حاصل ہے، اگر پاکستان آج کا میچ بھی جیت جاتا ہے تو وہ سیریز اپنے نام کرنے میں کامیاب ہوجائے گا۔

We win the toss and bowl! ⚪️

🇵🇰 🏴󠁧󠁢󠁥󠁮󠁧󠁿 | @IGcom

— England Cricket (@englandcricket) September 30, 2022

یہ بھی پڑھیں: پاک انگلینڈ سیریز: فاسٹ باؤلر نسیم شاہ کی طبیعت ناساز ،ٹیم سے باہر

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More