کم عمر لڑکی کا ریپ، انڈیا میں مجرم کو 142 برس قید بامشقت کی سزا

اردو نیوز  |  Oct 02, 2022

انڈیا کی ریاست کیرالہ میں ایک کم عمر لڑکی کے ریپ کے مقدمے میں ایک شخص کو 142 سال کی قید بامشقت کی سزا سنائی گئی ہے۔

پریس ٹرسٹ آف انڈیا کے مطابق سنہ 2019 تا سنہ 2021 کے دوران مجرم قرار دیے گئے شخص نے اپنے رشتہ داروں کے گھر قیام کے دوران 10 سالہ بچی پر جنسی حملے کیے۔

کیرالہ کے علاقے پتھانمتھیٹا کی عدالت کے فیصلے کے مطابق مجرم نے دو برس تک بچی کا ریپ کیا۔

مجرم کے خلاف انڈیا کے ضابطہ فوجداری کی دفعہ 506 اور پوکسو ایکٹ (بچوں کو جنسی حملوں سے بچانے کے قانون) کی متعدد دفعات کے تحت مقدمہ درج کر کے ٹرائل کیا گیا۔

مجرم آنندن پی آر کو 142 برس قید کے علاوہ پانچ لاکھ روپے جرمانے کی سزا بھی سنائی گئی ہے۔

فیصلہ جج جایاکمار جوہن نے سنایا۔

انڈیا میں کسی بھی مجرم کو سنائی جانے والی یہ سب سے سخت سزا پوکسو ایکٹ کے تحت ہے۔

پولیس کی جانب سے جاری کیے گئے بیان کے مطابق مجرم کو جیل میں صرف 60 برس گزارنا ہوں گے۔

عدالتی فیصلے کے مطابق پانچ لاکھ جرمانہ ادا نہ کرنے پر مجرم کو مزید تین سال جیل میں گزارنا ہوں گے۔

یہ مقدمہ تیرووالا پولیس نے مارچ 2021 میں درج کیا تھا اور عدالت میں استغاثہ کی جانب سے گواہوں کے بیانات، میڈیکل ریکارڈ اور ثبوت پیش کیے گئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More